الموضوع: تكييف الإكسارا .. هموووت من الحررر

السلام عليكم ورحمه الله وبركاته

كل سنة وانتم طيبين يا إكساراويه .. وكل ملاك السيتروين بخير وصحة إن شاء الله
عندي مشكلة فى التكييف ، روحت أكشف على التكييف فى بنزينة كالتكس فى المعادي لاني كنت بفتح التكييف بلاقيه مابيجيبش هوا ساقع خالص يعني مجرد سامع صوت هوا خارج بس !! ، وطلعت المشكلة ان المواسير مقطعه ( يعني فى ماسورة كدة جزء منها كاوتش وجزء حديد راكبة جنب الكومبيراسور الجزء الكاوتش دة متقطع بقا ) فالراجل قالي لازم تغيير الماسورة كلها ، علماً بأن الماسورة دى واصلة من اول الكومبيراسور اودام ، لحد طابلوه العربية ( اللى هوا نهاية الماسورة ، اللى بتخش بعد كدة على فتحات التكييف ، معلش مش عارف أسم الجزء دة ايه ) وبعدين الراجل قالى هنشحن فريون وبتاع .. طب التكلفة كام يا سيدي ؟ قالى شحن الفريون ب 180 جنيه !! تقريباً كدة غالى ولا ايه رائيكم ؟
و بسأله ع الماسورة قالى هتجيبها استيراد ، وهبقا اسئلك على سعرها ... انا الشك وغوشني d: روحت قافل الكبوت ونهارك ابيض ياسطا ... سلامو عليكو روحت ماشي

كنت عاوز اعرف اروح اكشف تاني عند مين كويس بتاع تكييف .. واجيب الماسورة دى منين و بكام ؟

المشاركة الأصلية كتبت بواسطة moumen_hs

روح عند محمد سعيد برضوا فى المعادى الشحن عندة على الجهاز ب 160 جم ولة فى قطع فى الماسورة للازم تتغير فعلا

اولا شكرا لمرورك ،،،
ايوة عندي الماسورة لازم تتغير ... بس ياريت توصفلي العنوان بالظبط

المشاركة الأصلية كتبت بواسطة honda_lover

بص يا سيدي هتروح لواحد اسمه سكارو ده مشهور جدا جدا فالحرفيين هيغيرلك الخرطوم المقطوع ويكبسهولك ب 150 جنيه وهيشحنلك التكييف ب 180 جنيه وللعلم هما خرطومين مش واحد واحد من الكمبريسور للاكسببنشن اللي في صدر الحوض والتاني من الكمبريسور للسربنتينة وممكن يكونو الاتنين منفسين وده افضل واحد جربته فالموضوع ده في اكتر من 10 عربيات اكسارا وهي مشهورة اوي بالموضوع ده لقرب الخراطيم من الشكمان

ايوووة صح هما خرطومين فعلاً .. ياباشا ربنا يكرمك إن شاء الله
وبإذن الله هروحله يوم الجمعه او السبت وإن شاء الله خير .. دة انا كنت عامل حسابي على تغيير مواسير و شحن فريون مثلا بتاع 600 جنيه ولا حاجه .. بس لو الاسعار كدة يبقى زي الفل .. ربنا يخليك يا معلم وشكراً على مرورك