محتاج النصحيه فى شراء لانوس 2014

**hamada07** · 10-07-2014 09:55 AM

السلام عليكم ورحمة الله وبركاته
انا بفكر أشترى لانوس 2014 زيرو بس في ناس كتير اصحابي بتحذرنى منها اللى بيقول عفشتها وحشه واللى يقول تقغيلها واللى يقول بتسخن و اللى يقول فيها عيوب صناعه المهم انا عايز اعرف مميزات و عيوب اللانوس 2014 و يا ترى انسب موزع اجيب منه فين و ياريت لو صور ل الالوان الجديدة بتاعتها و سعرها و نصيحه لله اعمل القرض و اشتريها ولا ﻷ عشان انا خطوبتى بعد العيد و محتاج اتزف فيها و شكرا

تم تعديل العنوان ليتناسب مع المحتوى
م ب 3

**baherhassan30** · 10-07-2014 10:35 AM

نصيحة بلاااااااااااااااش
انا والدي كان معاه نوبيرا وكانت محتاجة شوية مصاريف ... فقال ابيعها واشتري عربية جديدة واريح دماغي
واشتري شيفورلية لانوس 2014
وكانت غلطة العمررررررر
مفرحش بيها خاااااالص .. بيقولي كلها مشاكل ومش مريحة .. وان النوبيرا برقبتها
اخويا كان معاه سيراتو ولما ركبها .. قالوا دي مش عربية جديدة ..
غير كل ده .. العربية دي من اخر 1997 لغاية 2015 وهي هي متغيرش فيها حاجة خاااااااااالص
يعني من الاخر تكنولوجيا 1997 ....... ولك القرار

**MR A7MED** · 10-07-2014 10:57 AM

بلاش العربيه دى
شوف اى حاجه تانيه احسن منها
تكنولوجيا قديمه وشكل قديم جدااااااا ومشاكلها كتييره

**msobhy** · 10-07-2014 11:03 AM

والله حضرتك انا نسبيا بطلت ارد أو اشارك
لكن بما انى كنت من ملاك اللانوس لمدة 6 سنوات تقريبا
بقولك بلااااااااااااااااااااااا ااااااااااااااااااش

**Sameh samy** · 10-07-2014 11:40 AM

1- الشيفرولية لانوس اقل قوة وكفاءة من الدايو لانوس من ساعة منصور مخدها حتي البوية بقت وحشة وبتجرب
2- العربية موتور قديم 8 صباب كامة واحدة وتسارع سيئ ومع التكييف 128
3- ثبات علي الطريق حلو واستهلاك بنزين معقول
4- شكل قديم لكن بسعر مناسب دلوقتي
5 - قطع غيار رخيصة وسهولة صيانة
6- موتورها صوتو رخم موش ناعم خصوصا علي السرعات المنخفضة
مانصحكش بيها

**waley** · 10-07-2014 12:20 PM

دايو كويسة شيفورليه زفت وانت مش بتشترى عربية على قد مابتشترى قطع غيار رخيصة ومتوفرة

**رامي مصطفى** · 10-07-2014 02:15 PM

النصيحه الأهم اوعى تجيب عربيه بقرض من بنك ربوي علشان ربنا يباركك فيها

**hamo81** · 10-07-2014 02:39 PM

المشاركة الأصلية كتبت بواسطة hamada07

طيب وفي نفس السعر ممكن اركب ايه?

بنفس السعر ممكن تركب
1) بي واي دي F3 زيرو المانوال عاملة 77000 والأوتو عاملة 86000 بس عربية حكاية تحس بفخامة التويوتا كرولا وعربية فيها كل الكماليات إلي تحتاجها وقطع غيارها رخيصة ومتوفرة ويركب عليها الياباني
2) أسبرانزا إنفي الجديدة وبتنزل مانوال ب 83000 عربية فيها كل الكماليات وصاجها متين جدا يعيبها إنها مش منتشرة كتير
3) بريليانس Frv تعمل حوالي 84000 مانوال
4)فيرنا مانوال GLS كاملة تعمل زيرو حوالي 79000 وطبعا غنية عن التعريف
5) إميجراند E7 من غبور تعمل 84000 زيرو الإنتاج الجديد تلافي العيوب إلي ظهرت فيها في أول إنتاجها وناس كتير بتشكر فيها

قارن بين الموديلات دي وشوف إلي يناسبك من حيث الكماليات والوسع وقطع الغيار
انا عن نفسي أشتريت بي واي دي F3 2014 وشايف إنها أفضل إختيار بعد عمل مقارانات كتير جدا وربنا يوفقك

**a_mohamedsamir** · 11-07-2014 01:37 AM

نصيحه بلاش الصينى
بص على اى عربيه صينى بقالها اربع او خمس سنين حتلاقيها هلكانه وعجزت بدرى
اللانوس آه مش متدلعه ، لكن اثبتت جدارتها وبص عليها مع اى حد وانت تعرف

سعر اعادة البيع مفيش مقارنه بين اللانوس واى عربيه صينى فى نفس فئتها. الصينى بتخسر كتير وصعبة البيع

نصيحه من اخ بلاش الصينى
لو مش عاوز لانوس استنى وزود فلوسك وهات أڤيو
وأولاً وأخيراً القرار لك
ومبروك مقدماً