العربيات النادره المميزة

**Delta Force** · 10-07-2014 02:18 PM

بلدنا فيها عربيات نادره اوى و مميزه لكن المشكله فى قله عددها و انها محتاجة شغل من الاول و جديد بس هتبقى حاجه مميزه و دى للهواه طبعا المطلوب من كل واحد دلوقتى انه يقول نوع العربيه الغريبه الى شافها و موجودة فين بالظبط و لو يعرف صاحبها و رقم تليفونه و سعرها يبقى احسن
هبتدى انا فيه عربيه ادام كافيتريا بح بح فى فيكتوريا بس متغطية لحد دلوقتى مش عارف نوعها بس من الواضح انها فيات أكس 19 أو نيسان زد موديل قديم طبعا العربيه مش هينفع فيها حاجة خالص و لو قولت لصاحبها هشتريها منك بعلبة سجاير بعد ارتفاع الاسعار هيقولك موافق

**David Micheal** · 10-07-2014 02:46 PM

بيجو 504 مش نادره بس من الممتااااازه

**ENG.MaRk** · 10-07-2014 02:55 PM

شفت بورش سوداء convertible في الزمالك و في مارينا و أعتقد مش للبيع و شفت كمان مازيراتي جران توريزمو في الزمالك و كلها موديلات ماينفعش تشتغل فيها و فيه كمان انفينيتي QX65 في مصر الجديدة و صاحبها عارضها علي 650000

**mahmoud_ali** · 10-07-2014 05:42 PM

تيوتا تيرسل من العربيات الكويسه النادره فى مصر برضوا

**abokoko** · 11-07-2014 01:14 AM

حضرتك بتتكلم عن العربيات التى عليها .يمكن اطلاق لقب
انتيكه

ممكن تلاقي كتير من العربيات وبحالات نادره فى الارياف وفى الصعيد
واعتقد الشرقيه وسوهاج واسيوط بها العديد من السيارات التى ترجع للاعوام 1950 وما قبلها
وفاكر مرة شفت عربيه فورد 8 كوبيه كابورليه
كانت تحفه
وكان فى عربيه فى سوهاج شغاله اجره مخصوص وبتشتغل بالليل فقط
تقف امام قطار الليل
كانت من النوع اللى فانوسها طالع لبره حاجه زى افلام الابيض والاسود بتاعه نجيب الريحانى
وكانت ملفته جدا للنظر
ويقال انها بكامل اجزائها الاصليه بما فيها الموتور
يعنى مش متعدل فيها حاجه

اللى غاوى ويدور ممكن يلاقي حاجات عجب