الموضوع: الصيانة بالتوكيل , مالها و ما عليها نرجو الإفادة

كل عام و أنتم بخير لأعضاء المنتدى الكرام
معى لانوس 2006 كنت جايبها زيرو و حتى الآن لم أقطع علاقتى بالتوكيل نهائيا يعنى الآن أزورهم كل 10000 أغير زيت و أعمل الصيانة الدورية من تغيير سيور و فلاتر و أعرف السيارة فيها مشاكل إيه و لما أجد حاجات جامدة مثل دبرياج , عفشة أشترى قطع الغيار الأصلية من محل بالتوفيقية و أروح أركبها برة التوكيل ولى مدة ماشى على النظام ده وكان نظام كويس و متوازن حيث أجمع بين ظبط الأساسيات و تشخيص ممتاز بالتوكيل للأشياء إللى محتاجة تتغير, و بين رخص سعر قطع الغيار و المصنعيات خارج التوكيل , و كنت دائما أدفع عندهم حوالى ألف جنيه إلا إنه منذ يومين ذهبت لعمل صيانة 160 ألف و فوجئت بإرتفاع رهيب بالأسعار يعنى مثلا بلية شداد الكاتينة التى كانت ب 185 ج أصبحت ب 350ج و السيور من 30ج إلى 70ج وهكذا فى كل شيئ بالإضافة للمبالغة بالمصنعيات و الآخر يضيفوا 10% ضريبة مبيعات على القطع و المصنعيات, يعنى لقيت نفسى مدبس فى 1835ج و رفضت عمل أشياء أخرى كانت ستتكلف حوالى 1750ج أخرى , المهم خرجت المرة دى من عندهم و أنا مش مبسوط من المبلغ و قررت أن أزورهم فقط كل فترة لعمل فحص شامل و آخد كشف بالأشياء إللى محتاجة صيانة و أبقى أعملها برة , إيه رأيكم فى الحل ده و خصوصا إننى قريب من الحرفيين بس طالب خدمة عاوز ميكانيكى و كهربائى كويسين بالحرفيين و كل عام و أنتم بخير.

عندكم حق خصوصا فى الظروف المنيلة إللى البلد فيها دى.