الموضوع: بيجو 508 ما لها وما عليها من أ الى ي

بسم الله الرحمن الرحيم
ان شاء الله هانتكلم النهارده عن البيجو ال508 وهانتكلم عن مميزاتها وعيوبها وهانقول اللى ليها واللى عليها
وطبعا كل الملاك يقدرو يشاركو ويقولو ملاحظتهم عنها
1-وصف السياره

الفئه التوب لاين او allure وطبعا العربيه 1600 سى سى تيربو بقوه 163
1-فرش جلد طبيعى بالكامل من النبا ومتوفر باللون البيج واللون الرمادى الغامق المائل للاسود
2-كراسى كهرباء باكامل مع التحكم فى فقرات الظهر للكراسى الاماميه كهرباء
3-تكييف رباعى التحكم quad zone ويمكن التحكم لكل راكب على حدى
4-ستائر جانبيه للابواب الخلفيه وستاره خلفيه
5-تحكم فى طاره الدركسيون فى اربعه اتجهات يدوى
6-طاره متعددة الوظائف وبها مثبت سرعه ومحدد سرعه ويمكن زيادة السرعه والتهدئة من الطارة
7-فوانيس اماميه led &by xenon ال اى دى وزينون متحرك فى اربعه اتجهات اوتوماتيك
8-حساس مطر وحاس نور والحساس بيعمل على تقليب النور من الواطى للعالى والعكس على حسب الطريق والسيارات المقابله
9-انوار خلفيه led ال اى دى
10-السياره بها 6 وسائد هوائيه وabs &ebd&esp&has
11-فتحت سقف عازله للحرارة والزجاج الجانبى عازل للحرارة بس مش فاميه
12-حساسات ركن خلفية والتحذير عن طريق الشاشه والصوت
13-اضاءة فوانيس الشبوره عن الركن والمنعطفات عند سرعه قليله للمساعده على روئية الطريق
14-سمارت كى او المفتاح الذكى للدخول يعنى تقدر تفتح العربيه وتقفلها من غير المفتاح
15-ستارت وستوب انجين لاداره المحرك وفرامل يد كهربائيه وتعمل الكترونى فى حاله فقدان السيطرة لاعادة السيارة الى مسارها الصحيح
16-جنوط سبور مقاس 17 بوصه ويمكن تركيب حتى 19 بوصه
17- مرايات ضم كهرباء ومافيهاش تعتيم التعتيم فى مراية الصالون فقط
18-بلوتوث للتحكم فى الموبايل للاتصال والميديا ويعمل على اكثر من هاتف
19-السياره بها 8 سماعات والصوت مرضى جدا ونقى الحمد لله
20- وجود AUX & Usb
21-اضاءه الصالون الداخليه led وهى مركزه على الركاب واضاء سفليه فى الامام والخلف لسهوله الرؤيه وبها اضاء خافته حمراء تضىء عند السير بالعربيه لسهوله الرؤيه ايضا
22-ثلاجه بالتبلوه والكنصوله الوسطى

2-السياره الهاى لاين او access
وهى بنفس المواصفات ولكن ينقصها
1-عدم وجود فتحت سقف
2- تكيف ثنائى فقط
3-عدم وجود نظام الدخول الذكى
4-عدم وجود نظام ستارت وستوب انجين وعدم وجود فرامل يد كهرباء
5-عدم وجود ستائر
6-عدم وجود زينون وال اى دى امامى فقط هالوجين
7-فرش نصف جلد وليست جلد كامل
8- عدم وجود تحكم كهربائى بالكراسى فقط فقرات الظهر
9-جنوط 16 بوصه

اما المميزات الحمد لله العربيه تتمتع بثبات رهيب وفرامل جيده جدا والتكيف جيد جدا والتحكم بالسياره جيد جدا وده يرجه لنظام التعليق المتعدد الازرع ولطول قاعده العجلات ده غير متعة القياده ويا سلام على القعده ورا وتقفل الستاير وتشغل التكييف حاجه تانى

اما العيوب فصوت الكاوتش عالى مع السرعات وناشف جدا لانه كاوتش رياضى علشان السرعات العاليه ونوعه ميشلان primacy hp
وفى اعضاء بيقولو ان صوت الهواء مسموع على السرعات العاليه بس الحمد لله ماظهرش عندى
ومن العيوب المهمة جدا هو التوكيل اللى معاملته مش قد كده فى العربيات الحديثه وعلى ما اعتقد ينقصهم تدريب على الموديلات الجديده

انا بعتذر عن طول الموضوع بس انا كتبت كل اللى جه فى بالى وطبعا ياريت الملاك والعضاء يقولوا ملاحظاتهم لانى اكيد مافتكرتش كل حاجه
ويارب اكون افدتكم
وتحت امركم فى اى استفسار