لكل الناس اللي عندها مشاكل في ال dsg والدبرياج هتصلح في الوكيل ببلاش

**MoCa-Cairo** · 12-07-2014 09:48 AM

السلام عليكم ياشباب

حابب اعرفكم معلومة ومش عارف هي موجوده في المنتدي ولا لا ولكن حبيت اذكرها
فولكس عاملت حاجه اسمها goodwill وده نظام نازل لكل وكالة العالم عشان المشاكل اللي ظهرت في DSG والدبرياج لو عربيتك بره الضمان وحصلت معاك مشكلة في الفتيس او الدبرياج اجري علي الضمان وكالعادة الوكيل هيقولك مليش فيه ساعتها قوله حمرا وعرفه ان في حاجه اسمها goodwill وبالمناسبة هوه هيكون عارف بس عامل عبيط الموضوع ده بيجبر الوكيل ان يغير القطع ببلاش وطبعا مش من جيبه ده من فولكس وبتدفع بس 50% او انته وشطرتك من حق التركيب وبتاخد سنتين ضمان علي القطع اللي بتركب والكلام ده عن تجربه

والله المستعان وكل عام وانتم بخير

**Mohamedjetta** · 12-07-2014 10:09 AM

متشكرين علي المعلومه
انا عارفها بس عندنا في مصر توكيل زفت ( مع اني متعاملتش معاه) بس من كلام الناس عليه باين )
طب انا لو وديت الجيتا مصر ولو باظ الفتيس هل هيقبلها التوكيل؟ العربيه جيتا 2011 خليجي
وانت بخير حضرتك

**MoCa-Cairo** · 12-07-2014 10:24 AM

المشاركة الأصلية كتبت بواسطة Mohamedjetta

متشكرين علي المعلومه
انا عارفها بس عندنا في مصر توكيل زفت ( مع اني متعاملتش معاه) بس من كلام الناس عليه باين )
طب انا لو وديت الجيتا مصر ولو باظ الفتيس هل هيقبلها التوكيل؟ العربيه جيتا 2011 خليجي
وانت بخير حضرتك

ال goodwill علي مستوي العالم كله بس التوكيل بيستغل موضوع ان في ناس مبتكنش عارفها الموضوع ده وبالمناسبة متعرفش جمارك الجيتا بكام بما انك بره وبتفكر تنازلها

**ahmed.Elashy** · 12-07-2014 10:58 AM

ياريت تحكلنا علي اللي حصل معاك في التوكيل عشان نستفاد...كان واحد في التوكيل كان قاللي عن الموضوع دا بس مفهمتوش ساعتها

**boody2** · 12-07-2014 10:58 AM

يا جماعة الكلام صح و التوكيل محترم و غيرلي طقم الدبرياج ببلاش لجيتا. 2011 خرجت من الضمان و لا خناق و لا غيره و لا 50 % كله شرطهم انك تكون بتعمل صيانة دورية معاهم ....الناس اقسم بالله غاية في الاحترام و لا خناق و لا اي شی ....الطقم تكلفته 10000 جنيه ما دفعتش مليم فيه ...والكلام مش مني لوحدي انا و كام واحد اعرفهم....الشعب المصري طلع اشاعات علي العربية ....لكن عربية و توكيل غاية في الاحترام و لو حد عنده مشكلة موبيلي 01001619470

**body** · 12-07-2014 12:45 PM

بص ياباشا انا عربيتى جيتا 2010 خليجى ماشية 85 الف كيلو والتوكيل غير الميكاترونيك من سنة ونص لاكن المشكلة فضلت موجودة

هل لو روحتلهم دلوقتى هيغيرولى القطع دى علما ان انا مابعملش صيانة عندهم

وهل العربية بتبات عندهم ولا فى نفس اليوم بتستلم

وشكرا ياباشا

**Mohamedjetta** · 12-07-2014 01:25 PM

المشاركة الأصلية كتبت بواسطة moca-cairo

ال goodwill علي مستوي العالم كله بس التوكيل بيستغل موضوع ان في ناس مبتكنش عارفها الموضوع ده وبالمناسبة متعرفش جمارك الجيتا بكام بما انك بره وبتفكر تنازلها

75 الف جنيه
العربيه فيها كل حاجه الهاي لاين ماعدا فتحه السقف والزينون و الكراسي الجلد

**Amr_wael** · 13-07-2014 03:43 AM

نفس الكلام سمعته من توكيل سيات
كلام محترم

**hossamalsadik** · 14-07-2014 07:22 PM

طبعا خبر فى غاية الاهمية
وطلما الوكيل معندوش مانع من تطبيق goodwill كان لازم عمل دعايه عشان الخبر يوصل للكل ويقول شروطه لتطبيقه زى عمل جميع الصيانات تابعه وخلافه وده كان يديه مزيد من السمعه الطيبه والانتشار