الف مبروك .. ربنا يديك خيرها و يكفيك شرها .
اول صيانه للانوس في التوكيل بتكون عند عمل 5000 كم .. ده نظام التوكيل .. و مش بتغير الزيت الا و انت بتعمل اول صيانه اللي هيه صيانه ال 5000 كم .. مفيش صيانه 1000 كم في لأنهم حاطين زيت موبيل xhp و بيقولوا العربيه متلينه فلا داعي لتغيير الزيت الا عند حلول صيانه ال 5000 كم .. و دي بتكون مجانيه بخلاف الفلتر و الزيت .
تقدر تروح التوكيل في اي وقت في غير مواعيد الصيانات و في اي وقت بدون حجز و ده في حاله وجود عيب او مشكله في حاجه معينه .
لو غيرت الزيت بره ده ميسقطش الضمان و لكن لازم تروح في مواعيد الصيانات عشان متسقطش الضمان و ده بيبقي كل 5000 كم او 4 شهور أيهما يأتي اولا . انت ممكن تشتري الزيت و الفلتر من بره و التوكيل يركبهم بس ده لو فيه فرق سعر كبير في الزيت و الفلتر عن بره التوكيل .
تغيير الكاسيت لايسقط الضمان .. براحتك خالص .. بس اعتقد ان الموجود فيها kenwood cd player و ده محترم جدا .
و بالتوفيق و ربنا يباركلك فيها ان شاء الله .
المفضلات