كلمتين تقال على قلبي بس لازم يتقالوا

**تامر.محمد** · 12-07-2014 04:49 PM

سلام عليكم يا جماعة
انا فيه كلمتين تقال على قلبي بس شايف اني ضروري اقولهم
و هي وجهة نظر شخصية برده في الاخر

بعض الاخوة اشتروا عربيات - و لنقل ميجان2 - و للاسف لسبب او لاخر ما كشفوش و هما بيشتروا كويس فجه نصيبهم في عربيات فيها مشاكل
طبعا ربنا يكون في عونهم يعني لان العربية دي لما تتهان بتبهدل صاحبها

لكن فيه مشكلة
كل واحد فيهم حط تقييم للميجان 2 كلها على اساس عربيته ، و بقى يحطها في مقارنة مع عربيات اقل منها و يبخسها قدام عربيات مش احسن منها ، و ده مش صح
ده غير انه قصاد عربيته اللي هانها المالك السابق بيبخس عربيات كتير ماشية و كويسة و ملاكها مش بيشتكوا منها

القصة ان كل واحد فيهم عربيته محتاجة شداية صح في مكان صح بقطع صح و ده مكلف بالمناسبة
او انه يبيعها و يدور على ميجان تانية حالتها حلوة ، و يحس الفرق بنفسه

انا باتمنى اي حد كلامي ده هايخبط فيه ما يزعلش مني و الله كلامي فني بحت
العربية مش احسن عربية في العالم خصوصا في التسارع و الاعتمادية ، لكنها مش ضايعة اوي كده

نفس القصة موجودة نوعا ما مع الفلوانس فيس ليفت
لينا زملا اشتروا عربيات و طلع فيها مشاكل و تعبوا معاها
هما اخوة لينا و فوق راسنا و معزتهم عندنا الحمد لله ما تتقدرش
بس مش كل الفلوانس هي عربية فلان و فلان
و مش كل الناس ماعندهاش استعداد تتعب شوية ورا التوكيل لحد ما يظبط لها المشاكل اللي في العربية , هانقول في اسوأ الظروف تغيير الموتور و قطمة الدركسيون زي ما حصل في عربية اخونا دكتور مصطفى
وارد يكون فيه حد بيحب العربية لدرجة انه عادي يستحمل كده

الصح في موقف زي ده ان الواحد يبلغ المقبل على الشرا بظروف العربية بالظبط و يسيب له هو بقى حق انه ياخد قراره

اخواننا ملاك فلوانس 2010-2013 .... اللهم لا حسد

كل سنة و انتوا طيبين :)

**yalahwy2010** · 12-07-2014 06:07 PM

لو الميجان او الفلوانس عربيات وحشة ....ماكناش شفناها خالص في شوارع مصر......الناس فاهمة وعارفة انها عربيات ركوبة محترمة....بس اي عربية استعمال ومش متحافظ عليها اكيد هتتعب صاحبها واكيد كمان قطع غيارها الاصلية هتبقي غالية.....هي رينو هتخسر ايه لو رخصت قطع الغيار اوي.....بالعكس لو في ايديها ترخص كانت رخصت....لكن العربية فعلا بتبقي قطع غيارها مصروف عليها ومتكلفة خامات نضيفة....عشان كدة بتبقي غالية
فا كلام حضرتك مظبوط 100/100

**mk3** · 12-07-2014 07:31 PM

كلام 100%

**monamize4** · 12-07-2014 08:49 PM

متفق معاك يا باشا بخصوص الفلونس ,, لكن مش متفق معاك بخصوص ميجان 2

**kokowasfy** · 12-07-2014 11:21 PM

كلامك مظبوت جدا جدا و العربييات حالات و خصوصا الميجان بتنزل تقريبا من 2007 شوف كام سنة فى الشارع المصرى فا طبيعيى كتييير منها متهان و طالع عينو مع ذالك لسة بتمشى و مبتقولش لا بس عموما الفرنساوى محتاج مراعية دائما و صيانة على علطول لازم اديك تبقا فيها على طول و صراحة احنا كا مصرين بنعامل العربية انا اسف فى الفظ زى الحمارة عاوزين تشتغل 24 ساعة و تعد الف الكيلوهات من غير ما ندفع حاجة صيانة او اى حاجة !

**tarek_asem** · 12-07-2014 11:35 PM

الميجان من 2004

**minicooper20** · 13-07-2014 12:47 AM

معروف يا باشا ان العربيات الفرنسيه و خصوصا رينو
ليست بالاعتماديه العاليه خصوصا فى الاجواء الحاره و دول الغير ممهده زى مصر
العيب مش فى العربيه العيب فى زاكره الراكب فرنساوى كان راكب ايه قبل كده
ميجان من اقل العربيات اعتماديه الركبتها فى حياتى
و شوفت الويل مع الجنوط الالمنويوم و العفشه الهشه و الكويلات و مش عارف ٨ بوبينه و ترس الدفرنس و الفتيس و النتشه
القصه ان هى عربيه قليله العتماديه مع احترامى لكل ملكها
على فكره انا امتلك بيجو يعنى بنقد حاجه انا دارسها كويس جدااا
و ميجان موديل ٢٠٠٥ علمتنى الادب و كانت زيرو
كل عربيه فيها الحلو و المتهان بس الميجان لو زيرو و عطل فيها حساس فا بتقف
تحياتى

**تامر.محمد** · 13-07-2014 11:53 AM

المشاركة الأصلية كتبت بواسطة monamize4

متفق معاك يا باشا بخصوص الفلونس ,, لكن مش متفق معاك بخصوص ميجان 2

ايه وجه الاختلاف ؟

المشاركة الأصلية كتبت بواسطة minicooper20

معروف يا باشا ان العربيات الفرنسيه و خصوصا رينو
ليست بالاعتماديه العاليه خصوصا فى الاجواء الحاره و دول الغير ممهده زى مصر
العيب مش فى العربيه العيب فى زاكره الراكب فرنساوى كان راكب ايه قبل كده
ميجان من اقل العربيات اعتماديه الركبتها فى حياتى
و شوفت الويل مع الجنوط الالمنويوم و العفشه الهشه و الكويلات و مش عارف ٨ بوبينه و ترس الدفرنس و الفتيس و النتشه
القصه ان هى عربيه قليله العتماديه مع احترامى لكل ملكها
على فكره انا امتلك بيجو يعنى بنقد حاجه انا دارسها كويس جدااا
و ميجان موديل ٢٠٠٥ علمتنى الادب و كانت زيرو
كل عربيه فيها الحلو و المتهان بس الميجان لو زيرو و عطل فيها حساس فا بتقف
تحياتى

انا فعلا مش بادعي انها ذات اعتمادية عالية لما باقول كده , كلامي عموما منصب في فكرة الناس اللي وقعوا في عربيات متهانة عن العربية ككل
والحقيقة ان فيه نسبة كبيرة منها ماشية كويس و مش مبهدلة اصحابها
و عايز اقول لك برغم ان فيه نسبة كبيرة خصوصا من ملاك شكل 2005-2006 بيشتكوا منها جامد و عشان كده انا مش هاختلف معاك في الحتة دي , و هاصدقك كمان لو قلت لي انها تعبتك قبل ما تقدم , بس النهارده هي عربية عمرها 10 سنين و طبيعي تفتح بقها في حاجات خصوصا انها مرت بظروف غير طبيعية

ملاك الشكل القديم مع ذلك فيهم برده ناس و اعضاء معانا العربية كانت ماشية معاهم كويس
و العكس بقى لو بصيت على شكل 2007-2010 هتلاقيه الحمد لله ماسك نفسه جدا و حتى في السوق ماسك سعر احسن من الشكل الاقدم , الميجان عموما من العربيات اللي بتبقى مع حد نضيفة ما بيفرطش فيها لأنه ما بيعرفش يركب حاجة بعدها بسهولة

-

-

الموضوع: كلمتين تقال على قلبي بس لازم يتقالوا

LinkBack

أدوات الموضوع

عرض

كلمتين تقال على قلبي بس لازم يتقالوا - انشر الموضوع فى :

-

-

-

-

المواضيع المتشابهه

كلمة حق يجب ان تقال للمجلس العسكرى

قلبي يا جدعان قلبي حد يطلب الدكتور يا جدعان

دواسة البنزين والدبرياج تقال !!! أرجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة