الموضوع: اسئلة عن سيور وزيوت وفوجات النترا 2011

المشاركة الأصلية كتبت بواسطة romio139

الحمد لله عندي النترا 2011 اوتوماتيك شاريها زيرو وعامله دلوقتي حوالي 36 الف كيلومتر
برجاء من خبراء الالنترا
1) موعد تغيير زيت الفتيس الاوتوماتيك او اي زيوت تانية واسعارهم لو سمحتم
2)موعد تغيير سير الدينامو او سير التكييف او حتي سير الكاتينة او اي سيور تانية واسعارهم لو سمحتم
3) بعض الاعضاء في المنتدى مركبين فوجات ولي سؤالين
هل الفوجات بتفرق في الاضاءة ولا شكل وخلاص
اجد بعض فوجات الالنترا بحس ان عدساتها مصفرة وشكلها قدم بسرعة فهل يوجد فوجات نضيفة تعيش فترة اطول اشتريها منين وسعرها بكام وشكرا

الف مبروك وربنا يباركلك فيها

1) زيت الفتيس بيتغير كل 40 الف كيلو. يفضل زيت شيل
2) سير المجموعه بيتغير كل 60 الف كيلو. اما سير الكاتينه جنزير المفروض مايتغيرش الا لو حسيت خشونه في الموتور او خصائص الجنزير اتغيرت. التوكيل المفروض يكشف عليه بعد 120 الف كيلو
3) الفوجات فيها صيني و تيواني و اصلي (جديد او استيراد)

الصيني والتيواني سيئين وهما الي بتلاقيهم مصفرين وبييجوا من غير دراع نور. اما الاصلي بيكون معاه دراع النور الي بيشغل النور والفوجات منه. سعره جديد من التوكيل 1500. 500 للفوج الواحد و 500 لدراع النور. الاستيراد بقى مش عارف سعر الفوج نفسه بكام بس الدراع ب350 وممكن يقل طبعا. انا رأيي تجيبه استيراد لأنه هيكون اصلي وارخص بكتير من الجديد من التوكيل