فانتزيا ٢٠١٠ اخر سرعتها ١٦٠ ايه سبب المشكله

**elgbalawy** · 13-07-2014 02:08 AM

العربيه لسا شاريها وغيرتلها فلتر بنزين وبوجيهات اصليه متجبش اكتر من ١٦٠: ١٧٠ والغيرات بتوصل للدي ٦ ومجربتش الا سبورت ممكن تشرحولي الاسباب ممكن تكون حاساس اوطرمبه بنزين السبب وللعلم انا ببقي دايس اخر الدواسه وال ار بي ام مبيجيش علي المؤشر الاحمر افيدوني ياهل الخبره

**Ahm662** · 13-07-2014 02:26 AM

اكشف عليها كومبيوتر ونضف بوابة

**شاهين - بنز** · 13-07-2014 02:35 AM

أنا معايا فانتازيا من الزيرو وآخرها في الطرق العادية ١٨٠ ودي كمان بتوصلها بعد فترة فممكن عربيتك لو تتقل عليها تجيب ال ١٨٠ وساعتها حتكون العربية مزبوطة
وركز إن العربية تكون عالغيار الخامس مش السادس

**elgbalawy** · 13-07-2014 02:51 AM

نضفت فعلن البوابه بس رايح اكشف عليها بكره كمبيوتر وبالنسبه للغيار الخامس بينقل بعد ١٤٠ يعني كدا فعلن انا عندي مشكله لما السادس بيجيب ١٦٠بس علي كلام حضرتك اني كدا عندي فرق ٤٠ كيلو تاخير في الخامس انا خايف تكون طرمبه او حساس غالي حد عنو فكره الطرمبه سعرها ايه في اسوء الاحوال

**hamo81** · 13-07-2014 03:23 AM

إزاي مش بتجيب أكتر من 180 كم/س
انا بالبي واي دي f3 الصيني بجيب بيها 200 كم/س بسهولة وثباتها ممتاز على السرعة دي
فعلا لازم تكشف عليها كمبيوتر

**elgbalawy** · 13-07-2014 03:32 AM

وفي حاجه مهما جدا للناس الخبره العربيه بتجيب هوا من تحت الطبلو وانا ماشي وبيمنع طبعا لما اشغل التكيف الحل ايه فيهم بيتقفلو ازاي خاصا في الشتاء كدا الواحد رجليه حتنشف وهل ليهم زرار يقفلهم لان في عربيتي القديمه كان فيه زرار عليه سهم لافف دايره كامله بيقفل الفتحات التهويه لكن في التكيف التاتش لا زم التكيف يشتغل علشان الزرار يتفعل وطبعا مفيش تكيف بيشتغل في الشتاء

**J A G U A R** · 13-07-2014 03:40 AM

نظف دوره البنزين وممكن تكون مقفوله علي كده

**omaranes77** · 13-07-2014 04:11 AM

العربية وش فيها حاجة
ممكن حساس كامة ممكن احتمال كبيير
دورة البنزين والفلاتر اذا كان a4 بتجيب 210 فانتازيا مش هتجيب ؟؟

**elgbalawy** · 15-07-2014 11:55 AM

انا رحت مركز خدمة امبارح كشف على العربية بالجهاز ملقيش اي مشكله فى الموتور ولا الفتيس تاثر على السرعة لقى بس حساس اى بى اس فاصل فى فردة ورا وعمله وقلى العربية تمام مفهاش مشكلة شكلها بنزين وقاس كمان ضغط الطرمبة وفى الاخر قلى جرب تمون 95 مرة وحدة بس وشوف الفرق انا بقا مش فاهم 95 حيعمل ايه وحتى لو عمل اول ما امون 92 حترجع العربيه تانى زى ما كانت قلى لا ايه رئيكم فى الكلام ده