الموضوع: التقرير المنتظر لسيارات سوزوكي 2015 المرتقبة

ثانيا
===

نيجي بقى للتحفة السويفت الهاتش باك
======================

العربية دي بإذن الله لو التوكيل عرف يمشيها في السوق ومابقاش خيبان زي ما بيعمل كل مرة هاتاكل السوق وتكتسحه

... لأن العربية فيها كل عوامل الأمان اللى البيكانتو مفتقداها مثلا برغم إنها أغلى

... تقفيلها أنا شايفه أفضل من البيكانتو في حاجات كتير وإن كانت البيكانتو أفضل برضه منها في بعض الأشياء الأخرى يعني نقدر نقول متساويين في جودة التقفيل

... مافيش وجه للمقارنة بينها وبين الأتراج اللى ابتدت تتباع فعلا برغم إنها عربية جديدة ولسة مش معروفة في حين السويفت معروفة من زمان وأربعة سلندر مش 3 زي الأتراج ... وأصلا الأتراج تقفيلها وحش جدا بالنسبة للبيكانتو أو السويفت

... المفاجأة بقى إن سعرها على كل الكماليات وعوامل الأمان اللى فيها أرخص منهم هم الإثنين ... البيكانتو الهاي لاين إنهاردة عاملة 108.5 ألف جنيه ... والأتراج الهاي لاين عاملة 13 ألف جنيه تقريبا مش فاكر الراجل قالي 13 ولا 11 ... أما سعر دي خليه في الآخر لما تعرفوا اللى فيها الأول


المواصفات دي بمجهودي الشخصي من معاينة العربية نفسها لأنها مختلفة عن المواصفات الموجودة على الموقع الرسمي وكمان الوكيل البروشور بتاعه مافيهوش إلا المواصفات التقنية فقط بدون الكماليات ... إلا إن بعضها مقتبس من الموقع الرسمي
=========================

1- المحرك ... K-SERIES - VVT - 16 VALVE LIGHT DOHC ENGINE 1200 C.C. - يولد قوة 87 حصان

2- ناقل الحركة ... أتوماتيك أربع سرعات

3- عدد إثنين وسادة هوائية للسائق وللراكب الأمامي (air bag)

4- الجيل الثاني من المكابح مانعة الإنغلاق – SECOND GENERATION OF … ABS, EBD, BA SYSTEM

5- نظام تعليق مصمم للاستخدام الشاق مستوحى من أنظمة سباقات الرالي ... New Gen RBS (Rally based Suspension System) - مع قطر دوران 4.8 متر

6- كاوتش عريض بقطر 15 بوصة وقياس 185\65

7- خمس جنوط سبور مقاس 15 طبعا ... بالعجل الاحتياطي أيضاً

8- هيكل معالج ضد الصدأ ومغطى بصفائح من الصلب

9- النظام المتطور من الـ ICATS ... (intelligent Computerized Anti-Theft system) ... ENGINE IMMOBILIZER

10- نظام إنذار مدمج بنظام السيارة ويمكن تركيب جزء صوتي مخصص له بالتوكيل بعد الشراء (طبعا هي بتنزل أصلا بالجزء الصوتي من غير حاجة في بلاد برة بس عندنا الوكيل يجيبه مفكوك ويببيعه لوحده)

11- عجلة القيادة يمكن ضبط ارتفاعها

12- مؤازر كهربائي لعجلة القيادة EPS (ELECTRIC POWER STEERING)

13- زجاج كهربائي أمامي وخلفي بلمسة واحدة للسائق فقط

14- مرايات كهربائية

15- إشارات جانبية مدمجة بالمرايات

16- قفل مركزي للأبواب

17- قفل مركزي مغناطيسي بلمسة واحدة على مرحلتين للشنطة Electromagnetic back door opener

18- فتح تانك الوقود من الداخل

19- قفل في الأبواب الخلفية للأطفال

20- مصباح (STOP) للمكابح الخلفية أعلى الشنطة مدمج معه مخرج سائل تنظيف الزجاج الخلفي

21- سبويلر مدمج بالشنطة من أعلى ومدمج به مصباح المكابح السالف ذكره في رقم 20

22- سعة تانك الوقود 42 لتر

23- عجلة قيادة متعددة الاستخدام للتحكم في النظام الصوتي للسيارة

24- ضبط ارتفاع كرسي السائق بذراع هيدروليكية

25- أماكن لحمل الأكواب والزجاجات في الأبواب

26- جيوب في خلفية الكراسي الأمامية للجالسين بالخلف

27- مقابض داخلية بلون فضي مع شريط بطول الأبواب ولوحة العدادات بنفس اللون

28- منفذ طاقة بقوة 12 فولت

29- حامل أكواب في منتصف الكونسول الأمامي

30- سخان في الزجاج الخلفي

31- مساحة مطر للزجاج الخلفي

32- ضبط ارتفاع كرسي السائق بذراع هيدروليكية

33- للأسف التكييف كان المفروض يبقى - CLIMATE CONTROL – زي ما هو نازل في بلاد برة الوحشين ... ولكن الوكيل منزل التكييف اليدوي المعتاد مش عارف ليه برضه

34- فوج لايت أمامي




مواصفات النظام الصوتي

1- راديو سي دي مع خاصية قراءة ملفات الـ MP3 .. مع مدخل يو إس بي مدمج في الكونسول الأمامي بجوار مخرج الـ 12 فولت

2- خاصية الرفع الأتوماتيكي لمستوى الصوت مع زيادة السرعة والخفض الأتوماتيكي لمستوى الصوت كلما قلت السرعة

3- المفروض فيه في المواصفات مدخل AUX كمان بس المدخل بتاعه مش موجود في العربية اللى كانت في المعرض ... ولكنها بالتأكيد موجودة بالسي دي نفسه من الخلف إلا أنه مش راكب لتوفير النفقات ... لأنه نفس موديل السي دي اللى بينزل في العربية بره

4- أربع سماعات في الأبواب مع إثنين تويتر مدمجين أعلى البابين الأماميين

5- التحكم في السي دي من عجلة القيادة

العربية دي ممكن تطلب بفرش لونه أسود وتابلوه أسود زي اللى في الصورة ... وممكن بفرش لونه بيج وتابلوه أسود في بيج زي اللى في السويفت السيدان تحت شوية ... وممكن بفرش لونه بيج وتابلوه بيج بالكامل زي اللى في الإرتيجا تحت شوية أكتر

في النهاية سعرها 98.900 جنيه


ودي شوية صور ليها
===========


















































لينك مباشر لفولدرات الصور على الفوتوبوكيت نفسه حسب كل عربية علشان لو حد عايز يشوف الصور ومش ظاهرة عنده
SWIFT HATCHBACK 2015 Slideshow by NYSMA | Photobucket

وفي النهاية سعرها 98900 جنيه مصري للهاتش باك
==============================


وده لينك ليها على الموقع الرسمي أيضاً

SWIFT - Features, Specs, Review, Picture Gallery, Mileage and Price

...
...
...
يتبع

تم إضافة لينك مباشر لفولدرات الصور
م ب 3

نيجي بقى لرقم 2
==============


السويفت السيدان (ديزاير) Dzire
====================

الفارق الأساسي بينها وبين الهاتش باك طبعا هو الشنطة .. ولكن في بعض الفروقات البسيطة اللى ممكن عادي ما حدش ياخد باله منها

1- قفل الشنطة الخلفية في الديزاير مش كهرباء ولكنه عادي بالمفتاح أو من الداخل

2- الديزاير فيها مسند يد في منتصف الكنبة الخلفية في حين إنه غير موجود في الهاتش باك

3- الشبكة الأمامية للهاتش باك شكلها أحلى من بتاعة السيدان

4- السماعات الخلفية للسيدان موجودة على الرف الخلفي فوق الشنطة ... لكنها موجودة في الهاتش باك في الأبواب الخلفية


غير كدة العربيتين نفس كل حاجة بلا استثناء


ودي بعض الصور للديزاير
===============



















































لينك مباشر لفولدرات الصور على الفوتوبوكيت نفسه حسب كل عربية علشان لو حد عايز يشوف الصور ومش ظاهرة عنده
SWIFT DZIRE 2015 Slideshow by NYSMA | Photobucket

وفي النهاية سعرها = 106500 ألف
====================


وده لينك ليها على الموقع الرسمي

Maruti Suzuki Dzire - Features, Specs, Review, Picture Gallery, Mileage and Price

...
...
...

يتبع

تم إضافة لينك مباشر لفولدرات الصور
م ب 3

نيجي بقى لرقم 4
===========

الإرتيجا ... ERTIGA
===========

فئة الفان ... سبعة راكب

الفارق الوحيد بينها وبين السويفت هو الموتور لأنها نازلة بموتور 1400 سي سي يولد قدرة تساوي 95 حصان ... VVT

غير كده هي نفس مواصفات وعوامل الأمان ذاتها المتوفرة في السويفت سواء الهاتش باك أو الديزاير بذات الكماليات التي سبق ذكرها عنهم مع الفارق طبعا لأنها بمساحات تخزين كبيرة عنهما



بعض الصور عنها
=============















































...
...

يتبع

بقية صور الإرتيجا - ERTIGA
================


























وللأسف كنت هانسى الجنط الاستبن بتاعها مش سبور ولكنه جنط حديد عادي

لينك مباشر لفولدرات الصور على الفوتوبوكيت نفسه حسب كل عربية علشان لو حد عايز يشوف الصور ومش ظاهرة عنده
ERTIGA 2015 Slideshow by NYSMA | Photobucket ...

وفي النهاية سعرها 124900 جنيه مصري
========================



وده لينك من الموقع الرسمي


ERTIGA - Features, Specs, Review, Picture Gallery, Mileage and Price

...
...
...
يتبع
===

تم إضافة لينك مباشر لفولدرات الصور
م ب 3

رقم 4
====

إس كروس - S CROSS
==============

فئة الكروس أوفر 4*4

تقفيل مصنع سوزوكي في المجر وليس في الهند

بصراحة تقفيلها رائع وجميل ... يمكن عشان هي الوحيدة اللى ركبتها فرش جلد في كل اللى فاتوا وفيها كل الكماليات اللى ممكن الواحد يحتاجها

ولكن ... حسب كلام مندوب المبيعات النسخة المعروضة مش هي اللى هاييجي منها ستوك ... اللى هاييجي النسخة اللى من غير فرش جلد ولا فتحة سقف

والله أعلم اللى هاتيجي هاتكون 4*4 ولا جر أمامي فقط

عموما من مواصفاتها

1- محرك 1600 سي سي VVT يولد قدرة حصانية = 118 حصان ... وفي محرك بيولد قوة 107 حصان والله أعلم الوكيل هايجيب أنهي واحد ... وفي محرك كمان بيولد 150 حصان وطبعا الوكيل عمره ما هايجيب ده

2- الفتيس CVT أو ستيب ترونيك موجود خلف الطارة ... والله أعلم برضه أنه اللى هاييجي

3- أربعة إير باج أو ستة أو ثمانية ... بس الله أعلم الوكيل هايجيب أنه نسخة

4- تراكشن كونترول ABS, EBD, AB, TRACTION CONTROL ... نظام الـ ESP

5- طارة متعددة الاستخدامات

6- بلوتوث مع خاصية دمج الهاتف الخاص مع جهاز السي دي والرد والغلق من خلال الطارة

7- مثبت سرعة ومحدد سرعة

8- إمكانية غلق الإيرباج الخاصة بالراكب الأمامي

9- تكييف CLIMATE CONTROL

10- زرار تشغيل الموتور وغلقه وخاصية الدخول بدون مفتاح

11- مخرج كهرباء في الشنطة الخلفية

12- مساحات تخزين مختلفة وحلوة في الشنطة الخلفية زي أي كروس أوفر تحترم نفسها :)

13- للأسف الجنط الاستبن مش سبور


ودي بعض الصور للعربية اللى كانت معروضة
=========================



















































لينك مباشر لفولدرات الصور على الفوتوبوكيت نفسه حسب كل عربية علشان لو حد عايز يشوف الصور ومش ظاهرة عنده
S CROSS Slideshow by NYSMA | Photobucket

للأسف المعلومات عن العربية دي مش دقيقة لأن كان خلاص الساعة أربعة العصر وهم معادهم يقفلوا الساعة 3 وأنا اللى كنت معطلهم .. عشان كدة ماعرفتش أسأل عنها براحتي



لينك لها على الموقع العالمي لسوزوكي
========================

http://www.globalsuzuki.com/automobi...oss/index.html



وفي النهاية سعرها 185 ألف
=================


أتمنى أن يكون الموضوع ذو فائدة لكم

وإلى اللقاء

والسلام عليكم ورحمة الله وبركاته


تم إضافة لينك مباشر لفولدرات الصور
م ب 3

نسيت أقول إن السيلاريو والفيتارا كانوا واقفين في المعرض برضه بس السيلاريو مش نازلة السنة دي أصلا والفيتارا لسة مش معروف هاتنزل ولا لأ ومالهومش سعر محدد أصلا

جهد مشكور وموضوع اكتر من مميز