لسة عامل رخصة جديدة و في مشكلة كبيرة !

**mohamedFTW** · 13-07-2014 06:14 AM

الحمد لله انا ختبارات في المرور و نجحت .. فا الكمبيوتر كان بايظ.. كل الناس خدت تصريح قيادة مؤقت لمدة سنة هو عبارة عن ورق كرتون ... انا غلفت هذا التصريح البلاستيك علشان خايف ليتقطع او يحصلة حاجة

المشكلة هنا الناس بتقولي غلط .. كدة اي ظابط ممكن يقول دة مزور ؟

حد يقولي اعمل اية ؟ و هل كدة التغليف خطأ ؟

**kantofanto** · 13-07-2014 06:20 AM

الف مبروك اولا على الرخصة ، ثانياً ضابط المرور اللى هايوقفك و هايشوفه هايعرف اذا كان مزور و لا لا متخفيش و افرح ياعم بالتصريح و عقبال ماتستلم الرخصة ان شاء الله و كمان ضابط المرور له نظرة فى اللى قدامه .

**mohamedFTW** · 13-07-2014 06:29 AM

الله يبارك فيك ... و ياريت ناس من المنتدي تاني ... تطمني !

**J A G U A R** · 13-07-2014 07:21 AM

مش معقوله يعني يا باشا هاتبقي مزوره .. وبعدين مكنش حد غلب وطلعها ولا ايه .. والف مبروك .

**أحمد جودة** · 13-07-2014 08:31 AM

المشاركة الأصلية كتبت بواسطة mohamedftw

الحمد لله انا ختبارات في المرور و نجحت .. فا الكمبيوتر كان بايظ.. كل الناس خدت تصريح قيادة مؤقت لمدة سنة هو عبارة عن ورق كرتون ... انا غلفت هذا التصريح البلاستيك علشان خايف ليتقطع او يحصلة حاجة

المشكلة هنا الناس بتقولي غلط .. كدة اي ظابط ممكن يقول دة مزور ؟

حد يقولي اعمل اية ؟ و هل كدة التغليف خطأ ؟

للاسف صديقي كلام صحيح غلط فعلا تغلف

لية !! ؟؟؟ الله أعلم لاني مريت بنفس الموقف لما كنت بجدد بطاقتي الشخصية وعاوز اثبت مهنة معينة المهنة كانت مكتوبة فى كارنية مستخرج من جهه حكومية وزي الفل بس الظابط فعلا قاللي للاسف الكارنية مغلف لا يعتد به

أنتظر باقي الاراء بس حابب اطمنك فى حالتك الوضوع يختلف
لانك أولا مش كل يوم هتقف فى لجنة او كمين
حتي لو فيه لجنة هما من كتر البلاوي السودا اللى بيشوفوها من مخالفات واللى رخصته خلصانة واللى ممعهوش رخصة أصلا فمش بيدقق أوي فى حالة حضرتك

تقبل تحياتي

**NightmarE84** · 13-07-2014 08:59 AM

الف مبروك على الترخيص وعقبال الرخصة

ومفيش مشاكل ان شاء الله والتغليف ده بيكون علشان المحافظة على التصريح من التلف ومفيش اى مشاكل

**Zing0** · 13-07-2014 09:04 AM

مش شرط إن البطاقه أو الرخصة أو أى وثيقة حكومية لو إتغلفت تبقى مزورة و لا يعتد بها
دلوقتى أى تعامل مع إدارات التجنيد بتاعة الجيش بيطلع لك شهادة ورق مغلفه بالبلاستيك و رسمية طبعاً و عادى جداً
و برضو فى أجهزة مع الكماين دلوقتى يكشف بيها على الرخص, لو حد من الكماين حاول يعمل (جيمس بوند) قوله إكشف عليها بالجهاز (و يارب تكون مسجله فى قاعدة البيانات )

**أحمد جودة** · 13-07-2014 12:37 PM

المشاركة الأصلية كتبت بواسطة zing0

مش شرط إن البطاقه أو الرخصة أو أى وثيقة حكومية لو إتغلفت تبقى مزورة و لا يعتد بها
دلوقتى أى تعامل مع إدارات التجنيد بتاعة الجيش بيطلع لك شهادة ورق مغلفه بالبلاستيك و رسمية طبعاً و عادى جداً
و برضو فى أجهزة مع الكماين دلوقتى يكشف بيها على الرخص, لو حد من الكماين حاول يعمل (جيمس بوند) قوله إكشف عليها بالجهاز (و يارب تكون مسجله فى قاعدة البيانات )

ماهي احتمال متكونش مسجلة فى قاعدة البيانات وانتا عارف ان يوم الحكومة بسنة المقصد من كلامي خليك فى المضمون أنا مخرجتش بعربيتي من منطقتي غير لما عملت رخصة القيادة ونقلت ملكية والرخصة بإسمي ....... أنا بتكلم عن تجربة انا بسافر كل يوم وبشوف العجب فى طريقي ...... بخلاف طبعا بتوع المرور مش هتكلم علشان صايم

دي وجهات نظر واكيد صاحب الموضوع ليه رأي