اجيب صينى مستعمل موديلات حديثه ولا اى حاجه تانيه موديلات اقدم

**Delta Force** · 14-07-2014 12:43 AM

ادامى عربيات صينى موديل 2005 و 2006 بسعر 20 الف زى جيلى فروتة سيدان
و ادامى عربيات رينو كليو و سيينا بسعر من 25 ل 30 الف بس موديلات اقدم اشترى ايه و هل الفرق كبير اوى فى قطع الغيار و السواقه

**eng.salama93** · 14-07-2014 01:01 AM

لا اشتري الرينو الكليو و حاجتها معمره اوي و موجود منها صيني و تركي و فرنساوي و قطغ غيارها رخيصه
و الأهم انها موجوده و العربية معروفه و ليها سوق
انما الفروتة و الحاجات دي هتتعب علي قطع غيارها و هتقعد توفقلها حاجات و هتقرفك ف بيعها اكتر من الرينو و الفيات السيينا

**Omar Mahmoud** · 14-07-2014 01:33 AM

الجيلي فروتة دي نادرا لما بشوفها في الشارع بس مش مهم بالنسبالي لان لو في توكيل تبقي مشكلة قطع الغيار اتحلت إنما دي مين توكيلها و لا مين بيشتغل في قطع غيار سواء استيراد او جديد و اظن مش غبور.
يبقي طبعا المقارنى بين السيينا و الكليو و لو انا هشتري الكليو يكفي إن قطع الغيار معمرة.

**shiko85** · 14-07-2014 02:14 AM

المشاركة الأصلية كتبت بواسطة eng.salama93

انما الفروتة و الحاجات دي هتتعب علي قطع غيارها و هتقعد توفقلها حاجات و هتقرفك ف بيعها اكتر من الرينو و الفيات السيينا

المشاركة الأصلية كتبت بواسطة omar mahmoud

الجيلي فروتة دي نادرا لما بشوفها في الشارع بس مش مهم بالنسبالي لان لو في توكيل تبقي مشكلة قطع الغيار اتحلت إنما دي مين توكيلها و لا مين بيشتغل في قطع غيار سواء استيراد او جديد و اظن مش غبور.
يبقي طبعا المقارنى بين السيينا و الكليو و لو انا هشتري الكليو يكفي إن قطع الغيار معمرة.

(كانت معايا موديل 2006 ماشيه 70 الف تقريبا و اتباعت 2012 بـ 19 و كانت حاله جيده جدا بس كانت عايزه رش اكصدام امامى فقط )
فيه منها 1000 و 1100 سى سى
الفروته اللى كانت معايا 1100 سى سى فيها تكييف - 4 زجاج كهرباء - مرايا كهرباء - سنترال لوك - يقال هاف باور (نصب) بس هى بدون باور - جنوط - فوج لايت
استهلاك البنزين ممتاز جدا
و قطع الغيار فالتوفقيه او محل مشهور بتاع قطع غيار صينى امام معهد السكر فالقصر العينى - محلات الصينى
فالـ 6 مفيش معاناه فوجود قطع الغيار و لا احتياج انى ادور على بديل بقطع الغيار بتاعتها