طلب تسعير جيتا ٢٠٠٩ ضروري عشان هشتري يا رجالة

**wisheey** · 14-07-2014 01:09 AM

جيتا ٢٠٠٩ خليجي لون اسود فرش بيج هاي لاين فابريكة برة وجوة الفتيس القديم عاملة ١٥٠٠٠٠ كيلو ..تعمل كام يا رجالة ..وكمان لو عايز اكشف في القاهرة يكون فين ..وانا بصراحة قلقان من الكيلو العالي دة ..فعايز اعرف أأكد على اية في الكشف ؟..جزاكم اللة خيرا ....وشكرا

**ahmedfouad** · 14-07-2014 01:56 AM

مستهلكة .. مجرد رأى
ابعد عنها علشان هتشيل الليلة
الا لو كانت الاساسيات والحالة ممتازة والسعر مناسب
وفى الحالة دى هتظبطها على مزاجك
وفى الاخر شراء العبد ولا تربيته (ده مثل قديم)
حاول تشوف حاجة بيتى مش ماشية ولو غالية شوية
وبالنسبة للسعر ممكن الاخوة اكيد يفيدونا

**Ahmed Saad** · 14-07-2014 03:04 AM

بص مبدأيا العداد ده مش عالي في العربيات الألماني أهم حاجه حاله الموتور وصياناته لو بتتعمل في معادها هتلاقى الموتور ده اكتر من 85% وعموما العربيه دي لو صيانتها في التوكيل هتلاقى ليها Data بتاعت الصيانه في التوكيل وده مهم جدا علشان تعرف صيانات زيت الفتيس اتعملت في معادها ولا لا لأن ده مهم جدا والمفروض العربيه دي بالكيلومترات دي غيرت زيت فتيس مرتين كل 60000كم وبالنسبه للسعر كبيرها 120000ج لو حالتها حلوه وده بسبب أنها عامله كيلومترات كتير فى وقت قليل وموديلاها 2009 لأنك هتلاقى حاجات أرخص من كده بس موديلات 2008-2007 وأفضل مكان للكشف هو التوكيل طبعا هيدولك تقريركامل للعربية وربنا يكرمك بحاجه نضيفه ومحترمة

**wisheey** · 14-07-2014 09:56 AM

شكرا على النصيحة يا رجالة ... انا لسة مكشفتش عليها بس هيا العربية حالتها نظيفة جدا ... بس مطلوب فيها ١٤٠٠٠٠٠ ... اعمل اية ؟؟؟؟؟؟

**Mohamedjetta** · 14-07-2014 01:09 PM

الكيلو المتر العالي عادي في الخليجي لان هناك المسافات بعيده جدا وبيبقي اقل مشوار يجي 20 كيلو رايح بس
انت اسأل صاحب العربيه هو جايبها مستعمله من الخليج او هو كان شغال هناك ومجمركها ؟ لو قالك ايوه يبقي الكيلو متر العالي عادي مفيش مشاكل
ربنا يوفقك عربيه جميله وفخمه و والدي معاه واحده زيها بس 2011 فتيس dsg

**Ahmed Saad** · 14-07-2014 01:44 PM

المشاركة الأصلية كتبت بواسطة wisheey

شكرا على النصيحة يا رجالة ... انا لسة مكشفتش عليها بس هيا العربية حالتها نظيفة جدا ... بس مطلوب فيها ١٤٠٠٠٠٠ ... اعمل اية ؟؟؟؟؟؟

لا طبعا كتير ده 140000ج دول أجيب بيهم باسات 2009 فتيس قديم وفابريكا بالكامل كمان والباسات افخم من الجيتا بكتير ده غير أني ماخدتش بالي أنها خليجي يعني هل دفع ال 7000ج علشان يدخلها صيانه التوكيل ولا لا ولو لا يعني ماكنتش صيانتها في التوكيل من رأيي هي عربيه كويسه بس ال 140000 دول لو هتدفعهم ادفعهم احسن في a5 2009 خليجي فيها كل حاجه أوتزود وتجيب فانتازيا ععلى الأقل تمنها فيها وبياعه عن الجيتا لكن 140 دول كتير فى جيتا وكمان كيلومتر عالي بص لو تخلص ععلى 130 وده كبيرها اوى لو هيا بحاله المصنع توكل على الله غير كده فكك منها وهتلاقي انضف وكيلومترات أقل وسعر أقل وربنا يوفقك