بيع سيارة بعد فك الحظر

**Goebbels** · 14-07-2014 07:04 PM

السلام عليكم

هل يمكنني بيع العربية مباشرة بعد فك الحظر ووصول جواب البنك للمرور؟ علما بأن الرخصة متبقي بها شهرين حتى التجديد .. وما هي الاجراءات المطلوبة؟

أم يجب علي الترخيص سنة حتى تكون الرخصة الجديدة من غير كلمة حظر بيع وبعد ذلك يتم البيع؟

شكرا..

**Abo_Mazen** · 14-07-2014 08:54 PM

أنا عن نفسي كان في قدامي تمبرا ..وكان جواب فك الحظر مع المالك ..لإن كان عليها حظر بيع معوقين ..وقالي تعالى المرور جدد بإسمي..أجدد بإسم المالك المعوق يعني .. وأعملك توكيل..المالك المعوق يعملي توكيل بيع عادي.. وأنا مرضيتش ...ولما سألت بالتليفون في ساعتها وإحنا واقفين ..إتقالي لازم الرخصه ميكونش مكتوب فيها كلمة حظر عشان المالك يعرف يعمل التوكيل وعشان الموظف في الشهر العقاري يرضى يعمل التوكيل ..فشكلت البيعه وقلتله روح شيل الحظر وتعالى ..ومحصلش نصيب

**Goebbels** · 15-07-2014 03:23 AM

أولا شكرا جدا على الرد

ثانيا حابب بس أوضح ان العربية مش حظر معاقين لكن حظر بنك علشان كان عليها أقساط

وان كنت اللي فهمته من حضرتك ان الموضوع مالوش دعوة بنوع الحظر لكن موظف الشهر العقاري مش هيرضى يعمل الاجراءات طالما مكتوب في الرخصة حظر حتى لو كان جواب فك الحظر موجود في المرور

حتى موضوع نقل الملكية في المرور مش هينفع

يعني كدا مفيش حل غير اني أرخص الاول و بعدين أبيع

تمام كدا اللي أنا فهمته من حضرتك ولا في نقاط موصلتنيش بشكل صحيح؟

**Abo_Mazen** · 15-07-2014 07:47 PM

المشاركة الأصلية كتبت بواسطة goebbels

أولا شكرا جدا على الرد

ثانيا حابب بس أوضح ان العربية مش حظر معاقين لكن حظر بنك علشان كان عليها أقساط

وان كنت اللي فهمته من حضرتك ان الموضوع مالوش دعوة بنوع الحظر لكن موظف الشهر العقاري مش هيرضى يعمل الاجراءات طالما مكتوب في الرخصة حظر حتى لو كان جواب فك الحظر موجود في المرور

حتى موضوع نقل الملكية في المرور مش هينفع

يعني كدا مفيش حل غير اني أرخص الاول و بعدين أبيع

تمام كدا اللي أنا فهمته من حضرتك ولا في نقاط موصلتنيش بشكل صحيح؟

أهم نقطة وصلت لحضرتك حكاية إن موظف الشهر العقاري مش هيرضى يعمل أي تعامل على العربية ما دامت كلمة حظر موجوده على الرخصة ..بصرف النظر جواب فك الحظر في المرور أو لسه موصلش المرور ..بصرف النظر عن نوع الحظر إيه ..حظر معاقين أو حظر بنك ..اللي حضرتك فهمته صح

**maghnom** · 15-07-2014 08:54 PM

المشاركة الأصلية كتبت بواسطة goebbels

السلام عليكم

هل يمكنني بيع العربية مباشرة بعد فك الحظر ووصول جواب البنك للمرور؟ علما بأن الرخصة متبقي بها شهرين حتى التجديد .. وما هي الاجراءات المطلوبة؟

أم يجب علي الترخيص سنة حتى تكون الرخصة الجديدة من غير كلمة حظر بيع وبعد ذلك يتم البيع؟

شكرا..

بعد ما البنك يبعت خطاب فك الحظر للمرور حضرتك بتروح تجدد الرخصة ايا كان الفترة المتبقية لرفع كلمة حظر البيع من الرخصة، بتطلعلك رخصة جديدة بالمدة المتبقية من غير حظر وبالتالي بتقدر تطلع على الشهر الهقاري وتبيعها عادي

الكلام ده عن تجربة سابقة لبيع عربية بالقسط عليها حظر

**Goebbels** · 16-07-2014 03:04 PM

المشاركة الأصلية كتبت بواسطة m_m_sh_a

أهم نقطة وصلت لحضرتك حكاية إن موظف الشهر العقاري مش هيرضى يعمل أي تعامل على العربية ما دامت كلمة حظر موجوده على الرخصة ..بصرف النظر جواب فك الحظر في المرور أو لسه موصلش المرور ..بصرف النظر عن نوع الحظر إيه ..حظر معاقين أو حظر بنك ..اللي حضرتك فهمته صح

كدا تمام .. شكرا جدا لحضرتك

**Goebbels** · 16-07-2014 03:05 PM

المشاركة الأصلية كتبت بواسطة maghnom

بعد ما البنك يبعت خطاب فك الحظر للمرور حضرتك بتروح تجدد الرخصة ايا كان الفترة المتبقية لرفع كلمة حظر البيع من الرخصة، بتطلعلك رخصة جديدة بالمدة المتبقية من غير حظر وبالتالي بتقدر تطلع على الشهر الهقاري وتبيعها عادي

الكلام ده عن تجربة سابقة لبيع عربية بالقسط عليها حظر

شكرا جدا لحضرتك كدا الامور وضحت