مشكله ضفيره الصنى 2011 لتالت مره

**ahmed.elsakka** · 15-07-2014 03:56 AM

السلام عليكم يا اعضاء المنتدى الكرام.

انا معايه صنى 2011 اوتوكاتك اي اكس صالون زيرو. بعد سنه بدء الار بى ام يعلى لوحدو او يوطى زميلى قالى اخبط بشويش الايدل بس محصلش حاجه الار بي ام فضل معلق. المهم فى مودرن غيرولى الضفيره و العربيه ظبطت

بعد كده بى حوالى سنه تانيه حصلت تانى و العربيه كنت تحسها بتنقل غيرات كتير فى الزحمه غالبان عشان الار بي ام مش مظبوط المهم السبع غيروها تانى مره و ظبطت فا قلتلهم يا جماعه انا كده عندى حاجه بتبوظ الضفاير قالى لا ده هى الضفاير اصلها مصرى

بعد سنه كمان العربيه خرجت بره الضمان و المشكله حاليا موجوده تالت مره. هو انا المفروض هغير ضفيره كل سنه مافيش ضفاير يبانى مثلا تعيش ولا انا لو غيرت الايدل و التى بي اس اللى انا مش عارف هوما ايه اصلا ممكن العربيه تظبط نهائيا. برجاء الافاده من اهل الخبره و السوابق.

**blazer** · 15-07-2014 04:22 AM

روح اكشف على العربيه فى مكان كويس لو مش ناوى تروح الوكيل
وانا شخصيا مش عارف ازاى ضفيره تبوظ فجأه كدا لوحدها ! ازاى يعنى السلوك بتسيح ؟
لو عاوز تغير ضفيره يبقى تجيبها استيراد بقى و جرب وامرك لله

ال rbm هيعلى ويوطى لوحده لو الحساس بتاع الايدل بايظ او متوسخ جرب تنضفه الاول ب throttle cleaner

**ahmed.elsakka** · 15-07-2014 09:37 AM

شكرا على الرد blazer لا انا هغيرها انشاء الله فى التوكيل و ممكن من غير فلوس لان ده عيب مستمر هم مش عارفين يصلحوه. انا روحت للسبع نضفلى الايدل ده بس لسه برده. انا بفكر اغيره هوه و التي بي اس مش عارف والاهى لسه هاشوف بعد اما اروحلهم للضفيره تانى ان شاء الله

**ahmedamgad18** · 16-07-2014 01:12 AM

طيب ياترى حطتها على الجهاز ... ؟؟ لو محصلش حطها كده يمكن يظهر لك الخطأ فين؟

**kabara** · 18-07-2014 03:35 PM

لسلام عليكم و رحمة الله و بركاته أخي أحمد أنا من أسوان أنا معايا صني مانيوال ٢٠١٠ و عندي نفس مشكلتك و سافرت القاهرة مخصوص و غيرت ضفيرة في اوتو ايجيبت من سنتين إلا إن المشكلة رجعت تاني و الموتور بيعلي لوحده و المشكلة إن مفيش توكيل في أسوان للنيسان فرحت عند ميكانيكي قالي إحتمال يكون وحدة الرشاشات و الحساسين بتوعها عايزين تغيير و أنا مش عارف أعمل إيه ممكن أغير هم و ما يطلعش العيب منهم فيا ريت تقولي أعمل إيه لو حضرتك وصلت لحل علي أساس إن القاهرة فيها أكتر من فرع التوكيل و فيها فنيين مهرة عكس اسوان و ياريت لو نتواصل و لكم الشكر الجزيل

**kamello2003** · 19-07-2014 03:06 PM

المشاركة الأصلية كتبت بواسطة kabara

لسلام عليكم و رحمة الله و بركاته أخي أحمد أنا من أسوان أنا معايا صني مانيوال ٢٠١٠ و عندي نفس مشكلتك و سافرت القاهرة مخصوص و غيرت ضفيرة في اوتو ايجيبت من سنتين إلا إن المشكلة رجعت تاني و الموتور بيعلي لوحده و المشكلة إن مفيش توكيل في أسوان للنيسان فرحت عند ميكانيكي قالي إحتمال يكون وحدة الرشاشات و الحساسين بتوعها عايزين تغيير و أنا مش عارف أعمل إيه ممكن أغير هم و ما يطلعش العيب منهم فيا ريت تقولي أعمل إيه لو حضرتك وصلت لحل علي أساس إن القاهرة فيها أكتر من فرع التوكيل و فيها فنيين مهرة عكس اسوان و ياريت لو نتواصل و لكم الشكر الجزيل

متغيرش حاجه...دي مشكله الضفيره انا غيروهالي مرتين في السبع و هم معترفين ان الضفيره المصري بايظه..

**kamello2003** · 19-07-2014 03:11 PM

المشاركة الأصلية كتبت بواسطة ahmed.elsakka

شكرا على الرد blazer لا انا هغيرها إن شاء الله فى التوكيل و ممكن من غير فلوس لان ده عيب مستمر هم مش عارفين يصلحوه. انا روحت للسبع نضفلى الايدل ده بس لسه برده. انا بفكر اغيره هوه و التي بي اس مش عارف والاهى لسه هاشوف بعد اما اروحلهم للضفيره تانى ان شاء الله

لو ركبلك الضفيره المصري بتاعه شركه IDACO اتاكد ان المشكله حتظهر ولو بعد حين..اطلب ان التغيير يكون للضفيره المستورده الاصليه (هي علي فكره مش ياباني هي صناعه فلبيني) حيقولك المستورده مش متوفره دلوقتي والافضل اني اعملك طلب شراء لواحده جديده مصري..قله لاءءءء..و صر علي حقك عشان مصنع نيسان عارف كويس و معترف و عنده تقارير بمشاكل ضفاير شركه idaco

**kabara** · 20-07-2014 02:08 PM

اولا شكرا لرد حضرتك الوافي و ثانيا العربية دلوقت طلعت من الضمان ( أنا لما غبرت الضفيرة العربية كانت لسة في الضمان ) و لو رحت لأوتو إيجيبت تاني التغيير هيكون علي حساب مين علي أساس إنهم ركبوا ضفيرة بايظة و رجع نفس العيب تاني

**ahmed.elsakka** · 24-07-2014 04:57 PM

السلام عليكم ياجماعه انا روحت للسبع اناهرده قال لى لو هيه الضفيره هتيتغير ببلاش بس المصنع خانقهم فالازم يجوا من المصنع يكشفوا بنفسهم. قلت لهم ياجماعه المشكله بتروح و تيجى يعنى ممكن يقلى مافيش مشكله فى الضفيره ساعتها هاضتر اتخانق و اقل ادبى عشان اخد حقى

انا تانى مره اصلا مغيروليش الضفيره الا بعد اما صورتلهم فيديو و الار بى ام بيلعب.

و بالنسبه للضمان انا بره اصلا بس هيه بتتغير ببلاش عشان ده عيب همه مش عارفين يصلحوه ده على كلام السبع

**ahmed.elsakka** · 24-07-2014 05:14 PM

المشاركة الأصلية كتبت بواسطة kamello2003

لو ركبلك الضفيره المصري بتاعه شركه idaco اتاكد ان المشكله حتظهر ولو بعد حين..اطلب ان التغيير يكون للضفيره المستورده الاصليه (هي علي فكره مش ياباني هي صناعه فلبيني) حيقولك المستورده مش متوفره دلوقتي والافضل اني اعملك طلب شراء لواحده جديده مصري..قله لاءءءء..و صر علي حقك عشان مصنع نيسان عارف كويس و معترف و عنده تقارير بمشاكل ضفاير شركه idaco

اشكرك على المعلمه القيمه بس ليه لو عارفين ان الضفيره idaco بيظه بيجيبوها تانى ليه ما كانوا جابوا النضيفه احسن لسمعه الشركه

نجرب مش عيب بس لو تكرمت تقول لينا الضفيره التانيه نوعها ايه او نجيبها منين فى حاله ان الواحد لو حب يريح نفسه و يشتيريها من بره