اسبيرانزا a 516

**Maroo 2013** · 15-07-2014 03:40 PM

اانا جيبت اسبيرانزا 516 - 2010 حاله كويسه الحمد لله بس رحت لحد بيشتغل فيها عشان الصيانه واامن عليها قبل السفر بس حاسس انه غالي شويه وللعلم هو شغله نضيف جدا خصوصا انه مركز والناس اللي فيه شغالين اساسا ف التوكيل لو حد يفيدني انا غيرت سير كاتينه ومجموعه وربطت عافشه دفعت 500 جنيه ده كويس ولا فعلا غالي ولو حد شايف انه غالي وعنده مركز كويس قريب من المعادي يقولي وشكرااا

**lidoo_85** · 15-07-2014 05:34 PM

ياريت تفاصيل عن المركز ؟؟؟ ومبروك عالعربيه

**fourseasons** · 15-07-2014 05:57 PM

لا مش غالى طبعا يا باشا.حلو ده كمان رخيص لأن الطقم الأصلى بيتباع فى ابو الفتوح دمشق ب 700 ج تقريبا.غير المصنعية.ولو غيرت الطقم فى التوكيل الموضوع حيتكلف 1400 ج.

**Maroo 2013** · 16-07-2014 10:59 AM

الله يباركلكوا - بص هما اتنين صنايعيه شغالين في توكيل اسبيرانزا - وبيشتغلو ف الكوري والصيني محترمين ف التعامل وبتجربه ناس قبلي الحاجه اللي محتاجنها بيقولوا عليها يعني مش كل حاجه هات وغير وخلاص هما مصناعيتهم عاليه وده عشان شغلهم نضيف مكانهم في صقر قريش العنوان بالتفصيل للاسف مش معايا
------