اريد شراء -تريوس- مستعملة .. استفسارات ؟؟؟

**me2sense** · 16-07-2014 01:11 AM

السلام عليكم

ضروري يا جماعة حد يفيدني في الموضوع ده

انا عاوز اشتري عربية تريوس موديل 2008 ولا حاجة

بس عاوز اعرف

1. هل لو اخدت ميكانيكي وسمكري معايا يغني عن الكشف في التوكيل ؟
ولو كان لا يغني ايه مميزات الكشف في التوكيل ؟ وهل يستحق المبلغ الكبير 600 جنيه للكشف وكدة ؟

2. كمان عاوز اعرف السعر المناسب يكون قد ايه ؟ ولو العربية راشة حزام نظافة يبقى السعر المفروض يكون كام ؟؟؟

3. وايه رايكم في التريوس المستعملة عموما وممكن مشاكل ايه تقابلني لو مستعملة عنها لو جديدة ؟؟

**kokowasfy** · 16-07-2014 01:25 AM

احسن تاخدها التوكيل عشان تطمن عليها و تشوف اتعمل فيها اية و صيانتها اخبارة اية العربية دى بتلعب من 100 الى 110 على حسب الحالة العامة و عموما العربيات حالات و التريوس عربية جميلة و عملية اوى و عالية عن الارض

**me2sense** · 16-07-2014 01:44 AM

الف شكر ليك

طب سمعت ان البنزينة بترفعها وكشفها بيبقى ممتاز وسعر الكشف بسيط جدا عن التوكيل فهل يغني عن التوكيل ؟؟

سمعت بردو ان الفيتارا 98 الاوتوماتيك 2000 سي سي افضل منها من ناحية الصاج والثبات والعزم وكدة فهل ده صحيح ؟ لانها بردوو متوفرة قدامي ؟