الموضوع: صيانة حتمية

السلام عليكم احلي منتدي و كل سنة و انتم طيبين

دلوقتي انا غيرت زيت و فلتر هوا و فلتر زيت لما عملت صيانة ٤٠٠٠٠ كم طبعا خارج التوكيل و الكلام ده كان شهر يناير
العربية فضلت مركونة مدارتش لاني سافرت و لما جيت عملت بيها مشاوير و دلوقتي عاملة ٤٥٠٠٠ كم .
انا دلوقتي بفكر اغير زيت لزيت وولفر و اغير فلتر زيت و اغير بوجيهات لانها من ساعة صيانة ٣٠٠٠٠ كم في التوكيل متغيرتش .
انا عربيتي لوجي ٢٠١١ و عاوز رأيكم في الاتي
- تغيير بوجيهات و ايه هو احسن نوع لاني هغير كل ٢٠٠٠٠ كم
- تغيير الزيت لانه فات عليه اكتر من ٧ شهور
- بفكر في تغيير سيور لاني قلقان بصراحة مع العلم اني عارف انهم بيتغيرو كل ٤ سنين او ٦٠٠٠٠ كم و لو هغيرهم محتاج رايكم اشتريهم منين و تكلفتهم ممكن تكون كام و اركبهم فين بردوا .

انا عارف اسألتي كتير بس انا واثق في خبراتكم انها هتفيدني

السيور ينصح بتغييرها عشان العمر بتاعها حتى لو كانت حالتها كويسه لأن لا قدر الله لو اتقطعت و خصوصا (سير التقسيمه ) حتعمل مشكله انت فى غنى عنها و ممكن تراجع مشاركه استاذ جورج دى حتفيدك كتير

http://www.nilemotors.net/Nile/424010-60-2010-a.html