يا جماعة افيدونى

**matador_sasa** · 16-07-2014 03:19 AM

السلام عليكم وكل سنة وانتم بخير ورمضان كريم

يا جماعة انا اول مرة اشترى عربية وعاوز اركب اوتوماتيك ومحدش يقولى لا بلاش الاوتوماتيك..انا بفاضل بين اللانوس موديل 1998-2000 الخليجى دى او الأوبل بى موديل 96..انا عارف ان المقارنة بين الاتنين صعبة بس انا كان نفسى اركب حاجة المانى ثابتة عالطريقة وقوية بس طبعا مشكلة الاوبل قطع غيارها تقريبا ضعف قطع غيار اللانوس وياريت لو حد يعرف موتور الاوبل لو حبيت تسقطلها موتور يعمله كام ؟

المهم انا عاوز اعرف برضه رأيكوا فى اللانوس الاوتوماتيك بالتحديد وهل هقدر اشغل التكييف بتاعها وقت ما احب ولا هيأثر اوى عالسحب وموش هقدر استفيد بالتكييف بتاعها ؟

افيدوووونا يا أهل الخبرررررة

**ahmedfouad** · 16-07-2014 03:42 AM

فتيس الدايو الاوتوماتيك اسمع والله اعلم ان فيه مشاكل
اتاكد الاول وطبعاً لا يعلى على الالمانى..

**bassim225** · 16-07-2014 05:09 AM

طبعا المقارنه صعبه جدا بس انتا كده بتكلم في عربيه في حدود 45 :47 انا شايف انك بالسعر ده ممكن تجيب حاجه احسن

**mhopa2440** · 16-07-2014 12:29 PM

حضرتك اركب اوتوماتيك واي مشكلة ف الفتيس بتتحل وبتيظبط بس انت اعرف ازاي تسوق العريبة بيه وازاي تعمل ليه صيانه وهو يعيش معاك زي الفل

انا ليا بقى تعليك لو انا مكانك هفكر اشتري كيا سيفيا او كيا شوما دي افضل من اللانوس ف حاجات كتير ونفس قطع الغيار ومتوفرة جدا وبنفس السعر تقريبا وعربيا فول اوبشن

الاوبل اللي بتقول عليها عربية تحفة بس اظن ان موتورها 2000 سي سي وحاجات قليله وغاليه بس معمرة ووليك القرار الاخير طبعا

**a_mohamedsamir** · 16-07-2014 01:38 PM

عن تجربه شخصيه مع الڤيكترا بى
لو حالتها مش ممتازه ابتعد عنها فوراً
لأنها حتخليك تكره اليوم اللىركبت فيه عربيه
صدقنى انا كان معايا ٩٧ مانيوال عربيه رائعه لكن لو بحالة الفابريكه
واعمل حسابك ان قطع الغيار اكتر من ضعف الدايو ومش اى ميكانيكى ممكن يشتغل فيها وتقيله فى البيع على عكس اللانوس تماماً

**matador_sasa** · 17-07-2014 01:30 AM

ألأف شكر لكل الناس اللى ردت
الف شكر ل ahmedfouad و bassim225 و mhopa2440 و a_mohamedsamir

اكيد هاخد نصايحكم فى الاعتبار

**aelmohamady** · 17-07-2014 03:37 AM

المشاركة الأصلية كتبت بواسطة matador_sasa

ألأف شكر لكل الناس اللى ردت
الف شكر ل ahmedfouad و bassim225 و mhopa2440 و a_mohamedsamir

اكيد هاخد نصايحكم فى الاعتبار

الشوما والسيفيا احسن لو هاتجيب اوتوماتيك

Sent from my samsung GT-I9152 using Forum Runner

**agaty1st** · 17-07-2014 04:33 PM

مشكلة اللانوس الأتوماتيك مش مشكله فنيه مشكلة اللانوس الأتوماتيك أنك تلاقيها أصلا لأنها قليله جدا
نصيحه أبعد عن الألماني القديم لأنك لو وقعت في صنايعي مش فاهم (وما أكثرهم) هايخليك تكره نفسك
ومن خلال تجربه مع الألماني اقدر اقولك الألماني يتركب زيرو أو بحالة الزيرو و أول ما يفتح بؤه بيعه