الموضوع: اريد المساعدة فى اكل الزيت - تمبرا

السلام عليكم ورحمه الله وبركاته

انا معايا تمبرا 96 ... الموضوع بدأ ان العربية سخنت كذا مرة وعملت جوان وش سلندر وبعدين قشطت الوش واديته معجون ولما سخنت اخر مرة اديته جوانين ....اخر مرة الجوان ما نفعش وقالولى الوش لازم يتغير وغيرت وش السلندر وتمام

العربية كانت بتاكل زيت بسيط انما بعد تغيير الوش الاكل بئا يزيد لدرجة ان امبارح اكلت حوالى كيلو فى مشوار ييجى 30 كيلو.

ايه الحل .....فيه حد قالى طقم شمبر
صح ولا لا
وده يتكلف كام ...طقم ومصنعيات

المشاركة الأصلية كتبت بواسطة mhopa2440

هو انا ليا تعليق على انك بتتكلم على ان العربة جابت جوان وش سلندر وسخنت كذا مرة ومرة تقشط الوش ومرة تركب جوانين

حضرتك كدا بتقتل ف العربية بس بشويش تقريبا .......... كان الافضل انك تلاحظ امبير الحرارة وتعالج مشكلة سخونة العربية ارخص من اللي عملته ف الموتور دا

اانا اظن ان الموتور عندك هيحتاج عمره كاملة مش شنبر بس
عموما كدا كدا انت هتفك الموتور والميكانيكي هيراجع على البساتم والشمايز وعمود الكرنك والسبايك والشنبر والصبابات وهو وقتها يقولك ايه اللي مفروض يتغير انما والموتور بالحالة دي والوضع دا محدش يقدر يجزم بالموضوع والمطلوب فيه ايه

على فكرة موتور التمبرا دا متور جميل ومحترم جدا وكفاءه عاليه وبيعيش كويس كمان عن تجربة

ربنا يوفقك

م محمد شكرا على ارد
انا حليت مشكلة السخونة انا بس بحكى عن اللى حصل مع العربية