عاوز اشترى لانوس او نوبيرا

**sakr1501** · 17-07-2014 05:52 PM

السلام عليكم

ازيكم ياشباب انا كنت عاوز اشترى لانوس دايو او نوبيرا موديل من 2001 الى 2004 حسب فلوسى بس تكون عربية ممتازة ومش محتاجه مصاريف وعاوز اعرف سعر السوق وليس سعر النت لان سعر النت مأفور حبتين

وتنصحونى باللانوس ولا النوبيرا

وهل العربية بتفرق اذا كانت رشة برا ولا لا مش فى السعر فى جوده العربية

**shiko85** · 17-07-2014 06:08 PM

المشاركة الأصلية كتبت بواسطة sakr1501

السلام عليكم
وعليكم السلام ورحمة الله وبركاته
ازيكم ياشباب انا كنت عاوز اشترى دايو لانوس او نوبيرا موديل من 2001 الى 2004 حسب فلوسى بس تكون عربية ممتازة ومش محتاجه مصاريف
الميزانيه فحدود كام ؟؟
وتنصحونى باللانوس ولا النوبيرا
الميزه فالنوبيرا انها اكبر و فيه منها مواصفات اوروبى فيها كماليات اكتر (الفرق بدقه اكيد ملاك العربيتين يقدروا يفيدوك اكتر)
هل العربية بتفرق اذا كانت رشة برا ولا لا مش فى السعر فى جوده العربية
ممكن تكون راشه بسبب حادث قوى و ده هيأثر على جوده العربيه لان ممكن الأصلاح مش جيد او الأجزاء اللى اتغيريت مش بنفس كفاءه و جوده الأصلى
لكن لو رش عادى ما يقال عليه نظافه اعتقد ده طبيعى او مقبول لان العربيه بقالها 10 او 13 سنه