الموضوع: كارثة النيو صني اسوا عربية في مصر

ياريت الملاك بتوع العربية اللي بيدفعوا عنها و خلاص ميعلقوش علي الموضوع انا اسمي احمد دكتور كنت من ملاك بيجو 301 لحد شهر 4 اللي فات و بعتها نتيجة ظروف و امتلك حاليا جيتا 86 2000cc وكنت حاجز نيسان نيو صني اوتو باز لاين حكايتي ايه اني كنت ماشي انا و صديقي من يومين علي دائري المعادي بعربيتوا الصني الهاي لاين و هو اللي اقنعني اني احجزها المهم ماشين و عربية بي ام دبيليو الفئة السابعة وقفت اودمنا بمسافة كبيرة جدا المهم صحبي وقف علي الفرامل بكل قوته والعربية مبتقفش و لا حتا سمعنا صوت الكاوتش بيحك ولا اي حاجة المصيبة اننا ماشين 80 راح صحبي مسقط الفتيس علي 2 و رفع الهاند تخيلو انه كان عنده وقت يفكر في كل ده تخيل المسافة قد ايه الحمد الله هوب لبسنا في ال بي ام بس خبطة مش جامدة اوي طبعا نزلنا نبص علي عربية الراجل و هنا كانت الكارسة
بعد لما نزلنا بخمس عشر ثواني و بنعتزر للراجل سمعنا صوت فرقعة بنبص جوا لانا الايرباج بتاع الكرسي اللي انا قاعد عليه فتح من كتر الصدمة و عقبال لما فوقنا من الصدمة لانا الراجل اللي خبطنا مشي شكلنا صعبنا عليه المهم قعدت افوق فصحبي من الصدمة واطمنا ان الرداتير سليم و ركبنا العربية ماشين ععلي 30 /40 المشكلة ان الفرامل لايناها شغالة ذي الاول وييمكن احسن المهم مشينا كيلو بالعربية و حصلت الكارثة التالتة هوب الايرباج بتاع السواق فتح واحنا ماشين و من قوة فتحتوا صاحبي كانوا اوغمة عليه روحت انا رافع الهاند و موقف العربية
الحمد لله شلناها علي ونش وروحنا رايحين علي التوكيل اول امبارح وهنا كانت الصدمة معاملة زبالة وبيقولوا انتوا اللي غالطنين تبعا و احنا شتيمة فيهم قدام العملة و العملة مش مصدقين
المهم نزل واحد كده عندوا بتاع 33 سنة المهم قالوا غليه انه كبير المهندسين و بدل المدير وى هوب الراجل بكل استفزاز بيقله تلاقيك بدل مادوست فرامل دوست بنزين المهم فجئة لايت الراجل ده منخيره بتجيب دم صاحبي فقعه روصية المهم الليلة اتلمت و صاحبي ده عشان بباه مستشار قله مش حتعرفوه تاخدوا منهم حق ولا باطل روحنا طلعنا علي الحرفين عند سمكري مشهور اسمه سيد المهم خدنا ولف بينا علي بتوع النيسان و جبنا حجتها نفس اللون و الطابلوا وخدنا عند واحد مبيشتغلش غير في الايرباج المهم عرفنا اننا مش قول ناس يحصلهم كده وورانا صور عربيات كتير حصل معاهم كده وطلع عيب في العربية المهم احنا حنستلم العربية وعلي طول علي مدينة نصر انا بنصح اي حد بيفكر في العربية دي قكر تاني وربنا ينتقم منهم و يسمحنا علي اننا بنعيب فيهم

يا شيكو باشا كلامك مزبوط دي مجرد عربية تتباع ولا حتي تترمي المهم اننا نفيد بعض مايجيش واحد داخل يسال علي عربية نضحك علية وخصوصا لو كان جديد او مايفهمش في العربيات لان النصيحة في الاخر للة واحنا نقول مميزات وعيوب العربية لو عارفينها موش عارفينها مانفتيش ماهو محدش فينا جرب كل العربيات واللي جاب عربية يا جماعة قيها مشكلة نساعدو علي حلها واللي راكب عربية وموش مريحاة ربنا يرزقو والمرة الجاية يجيب احسن منها انما موش نساعد التوكيلات والمستوردين انهم يستمرو في غشهم للناس باننا ندافع عن العربية لمجرد اننا راكبينها لا احنا نجبرهم انهم يحسنو منتجاتهم وخدماهم موش معقول يكون السوق المصري مكان للعربيات المغشوشة واللي اترفضت من دول خارجية لانها غير مطابقة لقواعد السلامة والامان وكمان يجيبو عربيات صيني ويتحط عايها علامات شركات كوري ويبيعو عندنا عربيات موديلات قديمة مركونة ستوك برة علي انها موديل السنة
يا جدعان احنا أعلي بلاد العالم في سعر العربيات موش معقول ندفع كل دة وناخد عربية معيوبة والتوكيلات كمان تتهرب من مسئولياتها دول بيكسبو مكاسب رهيبة خصوصا التجميع المحلي