الموضوع: محتار اشتري ايه في حدود 40 او 45 الف

فوكاك من الصينى ، الكرستالة قديمة ولو بتفكر فى القديم هات تويوتا 98 العيون ، مش هتلاقيها كتيييير ، بس هى عربية ممتازة من جميييع النواحى..



وبالنسبة للفيرنا عربية حلوة وكل حاجة بس فرامل وحشة ، يعنى متجريش بيها جامد



اللانوس عربية جميلة جدا وموفرة :)


و بالتوفييييييق

سيبك من دا كله خليك فى حتة موديل التسعينات تويوتا او ميتسبوشى

المشاركة الأصلية كتبت بواسطة shiko85

الفيرنا و اللانوس عربيات مميزاتها قطع غيار رخيصه و منتشره عيب الفيرنا الفرامل و انها ضيقه شويه اعتقد الفيرنا اللى بـ 45 دى الهاف يعنى باور و تكييف فقط
اما اللانوس فهى تعتبر افضل شويه فموضوع الفرامل و الوسع لكن تقيمى ان الـ 2 متقاربين جدا
اسبرانزا مع واحد صاحبى و بيتعامل معاها انها عربيه نص نقل و مستحمله المعامله الغير ادميه و بيشكر فيها جدا (عربيه واسعه و فيها كماليات كتير و قطع غيار منتشره )
بلاش كريستاله لانها هتكون موديل قديم و اللى اعرفهم معاهم العربيه بيشتكوا من استهلاك البنزين
شوف حضرتك محتاج ايه من العربيه لان كل حاجه بتفرق يعنى لو حضرتك محتاج عربيه واسعه يبقى الـ 516 محتاج عربيه تشد بيها و تجرى (بدون وجود فرامل) يبقى فيرنا لو محتاج عربيه متوسطه فالحجم و ممكن تكون اوتوماتيك يبقى لانوس

طيب اعرف ايه مميزات وعيوب الاسبرانزا منين ... وهل منها موديلات سنين معينه حلوه وتانيه فيها مشاكل ولا كله كويس ..... لأني بصراحة مرتاح ليها اكتر من الفيرنا او اللانوس ... برجاء الافاده

المشاركة الأصلية كتبت بواسطة عبدالله برعى

سيبك من دا كله خليك فى حتة موديل التسعينات تويوتا او ميتسبوشى

كنت بفكر في كده .. بس اغلب اللي لقيته هلكان او متغير فيه حاجات كتير ... وبصراحه حاسس لو جبت حاجه احدث هتبقا افضل

المشاركة الأصلية كتبت بواسطة hesham fawzy h

فوكاك من الصينى ، الكرستالة قديمة ولو بتفكر فى القديم هات تويوتا 98 العيون ، مش هتلاقيها كتيييير ، بس هى عربية ممتازة من جميييع النواحى..



وبالنسبة للفيرنا عربية حلوة وكل حاجة بس فرامل وحشة ، يعنى متجريش بيها جامد



اللانوس عربية جميلة جدا وموفرة :)


و بالتوفييييييق

طيب انت كده مرشحلي اللانوس ... وانا معاك .. بس تقدر تقارنهالي بال 516 بس مقارنه موضوعيه ... عشان ده هيفرق والله معايا كتير

فراي الافضلية للموديل