الموضوع: الطريق الى مرسى علم !!

قررت انشاء اللة هطلع انا و العائلة فى فندق فى مرسى علم و حجزت و انشاء اللة هنروح بعد العيد بس سوئال انا بفكر اروح بل عربية و انا كمان سمعت انو مشوار بتاع 900 كيلو السوئال دلوقتى هل الطرق امنا ممكن نمشى فيها هل هنتعب من المشوار جامد و مش هنستحمل و الطريق هيبقى ماشى ازاى هنمشى ازاى يعنى عشان نوصل مرسي علم ارجو المساعدة

ياباش الموضوع هيكون رحلة ممتعة ان شاء الله
بس خد المشوار فسحة يعنى كل شوية انزل فك رجلك واشرب حاجة سخنة
انا من القصير وعيلتى فى الغربية وبقالى 3 سنين على الطريق
افضل وصلة من القطامية للعين السخنة 120 كيلو السرعة 120 الطريق ممتاز الرادالاات بعد ما تطلع من القاطمية 20 كيلو وقبل السخنة 20 كيلو
اسوأ وصلة ملفات السخنة ومفيش رادارات خالص السرعة 90 بس انت هتمشى 60-80 بالكتير
وصلة السخنة الزعفرانة كويسة السرعة 110 الطريق معقول
وصلة الزعفلرانة غارب معقولة السرعة 110
وصلة غارب الغردقة نفس الكلام الرادار قبل كمين الغردقة 15 كيلو بالظبط وخلى بالك الكمين اساسا قبل الغردقة 25 كيلو فلما تشوف الغردقة 40 كيلو هدى 110
بعد كدة هتعدى الكمين 10 كيلو هتلاقى طريق دائرى على شمالك مكتوب سفاجا علشان متتدخلش الغردقة وتضيع وقت مسافة الدائرى 30 كيلو بالظبط
هتخلص الدائرى عند ماركت كبير اسمة سنزو مول هتاخد يمين وتكمل هتعدى كمين بعدها وصلة سفاجا الرادار بعد الكمين 15 كيلو وفى رادار قبل سفاجا الكيلو 15
قبل ماتدخل سفاجا 10 كيلو هتلاقى دائرى يمين المسافة 15 كيلو بالظبط
وبعدين تبدأ ولة القصير 80 كيلو ان شاء الله مفيش رادار خالص

قبل القصير 5 كيلو فندق راديسون طريق دائرى 10 كيلو يطلعك طريق مرسى علم
او لو تحب تشرفنا فى القصير انا موجود وفى الخدمة

بعد دائرى القصير هتلاقى نفسك فى منطقة اسمها الشبان المسلمين فى القصير تاخد يمين وتكمل مرسى علم 135 كيلو الطريق مش قد كدة يعنى فية ملفات كتير والاسفلت فى حتت تعبانة وخلى بالك من الصينية اللى فى الكيلو 65 مرسى علم فى صنيتين وحشيين تاخدهم بالكتير على 60
ان شاء الله توصل بالسلامة ولو احتجت اى مساعدة كلمنى وانا معاك
ورقمى 01226815157
اهم حاجة اى رادار بيكون قبل الكمين من 10 الى 20 كيلو التزم بالسرعة

وعموما شغل كاسيتك وعيش وبلاش السرعة الجامدة

اهم حاجة