الموضوع: مشكلة عدم دوران العربيه بعد مشوار ولازم تريحها عشان تدور فولكس بوينتر 2006

المشاركة الأصلية كتبت بواسطة xander

جسر السويس خلف حديقة بدر
انا روحت من دائري المعادي , جاي من المعادي يعني , وتنزل نزلة مدينة السلام
ف اول شمال , طوالي بقى لحاد موقف الميكروبااصات والتكاتك والاوتوبيس , هياخدك الشارع يمين اجباري , كمل تقريبا خمس دقايق بالعربيه , هتلاقي حديقة بدر وعندها زحمه
خش اول يمين , ملف صغير كده بيلف مع حديقة بدر , هتمشي 10 ثواني بالعربيه هتلاقي ورشه الناحيه التانيه عالشمال , هي دي :)
اسمه مهندس/احمد عزت

احمد عزت عمل معايا موقف مش كويس خالص و كانه بيقولى ما تجيش هنا تانى
مع العلم انى بادفع اللى هو عاوزه ( من غير فصال ) و ماباتكلمش فى اي حاجة في شغله خالص بس هو زعلنى منه و بادور على واحد غيره

انا رحتله لان العربية قطعت منى و ماكانتش عاوزة تدور بس لما رحتله دارت امامه و اشتغلت زى الفل بص عليها و قالى سيبها دايرة شوية سبتها بس ما ظهرتش المشكلة المهم قالى يبقى لازم نكشف عليها بالكمبيوتر فولت له ماشى فـ سابنى و دخل الورشة التانية ( ساعة و نص ) و لما خرج قالى هو انت مستنى حاجة تانية فولت له انت مش قولت هاتكشف على العربية بالكمبيوتر - قالى اه اه تعالى يا محمود ( اخوه ) على ما اعتقد - شوف العربية دى فيها ايه - قعد الاستاذ / محمود يوصل الجهاز و يعمل ويسوي و بعدين سالنى هى ايه المشكلة - حكيتله - قال اه طرمبة البنزين ضعيفة - قولتله نغيره هل اجيب قلب و لا طرمبه كاملة هنا راح منفعل الاستاذ / احمد عزت وقال قلب لا انا مابركبش قلوب هاتها كاملة قولتله اجيبها منين - راح وصفلى واحد امام المدرسة اسمه / ميلاد او مينا رحت و الراجل قالى مافيش طرمبة كاملة اللى بيبوظ القلب بس و هو اللى بيتغير المهم اشتريت القلب كورى بــ 250 جنبه و رحت لعم احمد عزت و اول ما شافه قال بزعيق و انفعال " لا لا انا قولتلك مابركبش قلوب " قولتله مافيش غير كده طب اجيبها كاملة منين - راح صنايعي عنده قالى استيراد فرد احمد عزت وقال مش هاتلاقيها استيراد ولا جديد قولتله طيب والحل قالى هاركبها على مسئوليتك قولتله ماشى - يعنى كان عارف انه مافيش جديد ولا استيراد و عمل الفيلم ده علي و حسيت انه فى نيه مش كويسه و اسلوب سئ للغاية
عشان كده انا بادور على واحد غيره
و اسف على الاطالة - بس دي تجربتى و حبيت اشاركم فيها