مركز العباسية مستفز

**hotmail** · 19-07-2014 01:09 AM

رحت امبارح مركز صيانة العباسية عشان اغير كاوتش تراب المساعد الامامي الايمن وعرفت من خلال التليفون ان السعر شامل التركيب للمساعديين الاثنين 400 جنيه ففوجئت المهندس بيقولي لازم نكشف على المساعدين ونقرر بعد ذلك يغير المساعدين و الكاوتش معا قولتله انا هغير الكاوتش فقط قاللي مش معقولة هفك المساعد عشان هغير الكاوتش فقط لمساعد واحد المهم قال لي في الاخر هغيرك كاوتش المساعد الواحد ب 400 جنيه قلتله الكاوتش الواحد ب85 جنيه يعني التركيبب 315 جنيه من الاخر المهندس
عايز يغير لي الكاوتش الواحد بثمن تركيب الجانبين اليمين و الشمال
على فكرة دي اول مرة اصلح حاجة في العربية كل اللي فات كان صيانه يعني اول اختبار للتوكيل بكره ان شاء الله هعمل شكوى في التوكيل من خلال التليفون
تنصحوني بايه وهل أصر على الاصلاح في التوكيل
أرجو الرد

**kantofanto** · 19-07-2014 01:21 AM

لازم طبعاً تعمل شكوى في التوكيل من خلال التليفونو حاول تروح مركز تانى عشان تشوف المعاملة عاملة ازاى؟

**zec** · 19-07-2014 01:22 AM

متابع

**hotmail** · 19-07-2014 01:40 AM

ايه مركز الصيانة الاخر اللي ممكن اروح ليه ويكون على المستوى المطلوب اذا فشلت مع مركز العباسية

**kantofanto** · 19-07-2014 02:14 AM

المشاركة الأصلية كتبت بواسطة hotmail

ايه مركز الصيانة الاخر اللي ممكن اروح ليه ويكون على المستوى المطلوب اذا فشلت مع مركز العباسية

مش عارف بس أكيد فى مراكز تانية للصيانة حاول تعرف منهم و اكيد طبعا على المستوع المطلوب.

**وائل محمد نبيل** · 19-07-2014 02:34 AM

انصحك انك تشترى القطعه من التوكيل وتركبها برة عند اى حد على فكرة مفيهاش مهارة ولا محتاجه التوكيل خالص اى حد صنايعى بتاع عفشه حتى لو على ادة هيركبها كويس اوى وهتدفعله بالكتير 30 جنيه

**hotmail** · 19-07-2014 03:37 AM

أنا عارف أن العملية بسيطة لكن كمن خايه من تقفيل الصنانعية للمساعد ثانيا انا من حقي اخذ خدمة من التوكيل هوا انا شاري عربية ملهاش صاحب على العموم سوف اشتكي اليوم من خلال الرقم الساخن

**kantofanto** · 19-07-2014 05:49 AM

المشاركة الأصلية كتبت بواسطة hotmail

أنا عارف أن العملية بسيطة لكن كمن خايه من تقفيل الصنانعية للمساعد ثانيا انا من حقي اخذ خدمة من التوكيل هوا انا شاري عربية ملهاش صاحب على العموم سوف اشتكي اليوم من خلال الرقم الساخن

( لا يضيع حق وراءه مطالب ) وانت على حق ياباشا.

**محمد الوااالى** · 19-07-2014 11:34 AM

انصحك تروح لمدير فرع الصيانة علطول عشان مهندسين الصيانة صغيرين فى السن و مبتعرفش تتفاهم معاهم

**abofandy** · 19-07-2014 09:23 PM

اعملها ف فرع التجمع الخامس اخى
العباسية مناخيرهم فى السما اوى ومبتعرفش تكلم حد هناك

روح التجمع الخامس القاهرة الجديدة
ناس بتعرف تاخد وتدى معاهم فى الكلام