الموضوع: مشكله في كهرباء الصني ومش عارف الحل

العربيه عندي بقالها يومين الاربي ام مش مظبوط والعربيه تكون عالسلانسيه والاقي صوت الموتور هدي والاربي ام ينزل للحظه كانها هتبطل وبعدين يعلي تاني وبعدها بيوم خرجت بالعربيه في الحر ومشغل التكييف الاقي العربيه وانا علي سرعه تهدي كاني بدوس فرامل وبعدين تنط وتمشي عادي قفلت التكييف وقلت اجرب من غير التكييف بردو نفس الحوار ده غير اني بعدها لقيتها بتبطل فبقيت ادورها تاني وكملت يومي بالعافيه بس الغريبه وانا راجع بالليل المشكله مظهرتش فقررت احل المشكله تاني يوم ورحت للكهربائي قال ده كتاوت طرمبة البنزين وبالفعل غيرها لكن وانا راجع ظهرت نفس المشكله العربيه بتهدي كانها هتبطل ولمبة الموتور تنور وبعدين تطفي تاني والعربيه تمشي عادي ولحد دلوقتي مش عارف ممكن يكون العيب من ايه وياتري الاحتمالات للمشكله دي ممكن تكون ايه ؟؟؟؟؟مع العلم اني كنت شاكك في فلتر الهوا بردو وغيرته بس ليسه المشكله قائمه

العربيه نيسان صني 2009 مانيوال

المشكله مش في حساس الايدل ولا في الضفيره ولا التي بي اس اعتقد لاني حركة الاربي ام طبيعيه بس هي الفكره زي ما تكون فيه حاجه بتمنع عنها البنزين للحظه وبعدين ترجع لطبيعتها تاني فانا شاكك في فلتر البنزين بس المشكله اني مش عارف الناس في المنتدي بتقول اني لازم اغير الطلمبه مع فلتر البنزين مع العلم اني ليسه العربيه مكملتش 65000 كم فياريت الافاده في موضوع فلتر البنزين ده لو فيه طريقه لتركيبه من غير الطرمبه ؟؟؟؟