الموضوع: استفسار بخصوص فتره الضمان والاستهلاك

ياجماعه انا معايا النيوصنى الحمد لله لحد دلوقت عامل 4000 ك

المشكله ان استهلاكى فى السنه مش بيتعدى ال 10000 عشر الاف كيلو

بخصوص الفرامل والتيل انا استخدام كويس يعنى مش بحمل على التيل والطنابير يعنى مثلا فى الاشارات بدى الفتيس n ولما باضغط فرامل مثلا مش بضغط مره واحده بقوه بخليها تدريجيا اللهم الا فقط فى حاله الطوارئ لاقدر الله

هل كده انا استخدامى صح ولا غلط ؟

طيب نيجى بقى لفتره الضمان مفروض انها 3 سنين فمعنى كده ان التيل ممكن يقعد معايا فتره طويله وانا شايف ان فيه ناس غيرت تيل وطنابير على حساب الضمان اكثر من مره

فانا خايف يكون بسبب استخدامى ده ان يعدى فتره الضمان بدون مااغيرهم واضطر انى اغيرهم على حسابى بعد كده ولا استفيد من فتره الضمان

تنصحونى باايه ؟

اهلك التيل علشان اغيره هو والطنابير ولا اخلينى زى ماانا ولا ايه