Jeep Grand Cherokee 2014 مجرد رأى :)

**M7amD_7amDy** · 20-07-2014 12:38 AM

السلام عليكم

كنت حابب أعرف رأيكم أو اللى شاف أو اللى لمح أو اللى حلم بالـ جراند شيروكى 2014 الجديدة يقول رأيه :)

أنا بقه شوفتها إمبارح وحابب أقول رأيى :)

كانوا 2 واحدة حمرا وواحدة سودا

الحقيقة يعنى دى مش عربية اساسا

دى دبااااااااااااااااابة :)))

كانت ماشية جنبى وحاسس انى قزم جنبها بالسيراتو .. العربية عالية بغباااء والراجل قاعد فووووووووق ومالوش دعوة بالناس اللى تحت :)

شكلها يخطططف الواحد ويخلى القلب يدق ق ق ق :D

الجنط الـ 20 حكاااية وكبير بغباااااء

الـ LED قدام تحفة وورا جميل بس مش بحلاوة اللى قدام

لما كان ماشى قدامى كنت شايف التعليق الخلفى كله وكان مكشوف من كتر ماهى عالية :)))

شوفت بقه BMW X1 كانت عيلة صغيرة جنبها ههههههه صغيرة بغباء قصادها والجراند جدها مش ابوها :))))

المهم بقه المرسيدس C الجديدة لو الواحد حب فى يوم من الأيام يشترى فئة الـ AMG ودى بـ 480 ألف جنيه
والجراند بـ 500 و550 لأعلى فئة يعنى فرق كلام فاضى

طبعا مافيش مقارنة بينهم ودى فئة ودى فئة بس السعر يحكم ويخليها تلعب فى دماغك
ساعتها الواحد هيفكر مليون مرة مش الف بس لاجل عيون الجراند شيروكى

طبعا أكيد المرسيدس لا خلاف عليها وعربية معدية بس اللى يشوف الجراند
مستحيل يصرف نظر عنها وهيفكر كتييييييييير قبل إتخاذ القرار

وطبعا يعيبها الضريبة القاتلة عشان الموتور العملاااااق 5.7L V8 HEMI VVT engine
واستهلاك الوقود علما ان استهلاكها على الطرق السريعة 9.9 لتر لكل 100 كيلو و 15.6 لتر داخل المدينة
وده من البروشور واكيد اكيد اعادة البيع مش هتكون مرضية

كامل احترماتى وتحياتى للسيارة العريقة الفضائية :)
ربنا يجعل كلامى خفيف عليها ويباركله فيها ويبارك لجميع الملاك امين يارب :)

وده البروشور للى حابب يعرف عنها اكتر

http://www.jeep.com.eg/en/docs/grand...ublication.pdf

وده موقع الشركة وعليه بعض المعلومات

2014 Jeep Grand Cherokee | Exterior

وده تقرير محترم عنها كان عامله العضو الفاضل Evo

http://www.nilemotors.net/Nile/420070-2014.html

لو سمحت رأيك مهم وتفضل أنهى واحدة ؟؟؟

شارك بالإستطلاع فوق :)

تحياتى للجميع

**Batman372** · 20-07-2014 05:26 AM

انا عن نفسى السى الجديده بدون تفكير كتير ... و حاجزها :)
و كل كلامك مظبوط من ناحيه تقارب الاسعار ... لكن لا اعتقد ان زبون السى او السيدان الفاخر بصفه عامه حيلفت نظره الجراند ...
انت ممكن تجيب بالسعر ده ايضا البى ام ال ٥٢٠ الجديده او المرسيدس e الفيس ليفت ...
الجراند لها زبونها الخاص جدا جدا ....
تقبل تحياتى ...

**J A G U A R** · 20-07-2014 05:38 AM

انا لو هاختار هايبقى ال c

**2CODE** · 20-07-2014 05:48 AM

.... مكرر

**TeRoOo** · 20-07-2014 07:29 AM

انا ركبت الجراند شيروكي 2014 العربية بكل ما تحمله الكلمة من معني وحش بجد وفعلا شكلها ملفت اوي وفوانيسها بالليد حاجة تانية ومن جوة جميلة جدا واحسن اكيد من الصور بكتيير انا ركبت اعلي فئة بالموتور 5700cc اذا كنت هتستحمل مصاريفها توكل بس خد بالك اني مشفتش ال c class بال amg kit علي الحقيقة واكيد هتبقي تحفة فنية كعادة مرسيدس حطيت نفسك في مقارنة صعبة وانت اللي عارف احتيجاتك عاوز برستيج الناس اللي بتفهم لما تشوفك راكب c class amg اكيد هتعجب بيها اكتر من الجراند لانك اكيد عارف فرق السعر برة وان الجراند انا معرفش سعرها برة لكن اكيد المرسيدس اغلي منها برة وعاوزها اصعب شوف واركب الدورانجو دي بقي اللي دبابة بجد

**mohamed_hamdi** · 20-07-2014 10:33 AM

الجراند شيرووكي ٢٠١٤ عربية محترمة جدا و بعد ضبط موضوع الثبات لها عن موديل ٢٠١٢ اصبحت متكاملة بس مشكلتها في راي الشخصي انها ليست سيارة مدينة بالمعنى المفهوم لانها مصممة اساسا لشغل ال off road و ده نادر في مصر و طبعا استهلاك البنزين الوهمي الذي سيختلف تماما و واقعيا عن المكتوب في البروشور. موضوع الضريبة ال ١١٠٠٠ ج في السنة مش قصة كبيرة لراكبي الفئة السعرية دي بس انا شايف ان موضوع الحجم و استهلاك البنزين اكبر عيوب للعربية دي في مصر طبعا مش الاسواق التانية.