الموضوع: بيجو 3008

السلام عليكم
انا بفكر اشتري بيجو 3008 يا ريت حد يفيدني اخبارها ايه و اسعار قطع الغيار وهي عربيه كويسه و لا لا .ضروري يا جماعه عشان لازم احجزها بسرعه

المشاركة الأصلية كتبت بواسطة zizo zizo

السلام عليكم
انا بفكر اشتري بيجو 3008 يا ريت حد يفيدني اخبارها ايه و اسعار قطع الغيار وهي عربيه كويسه و لا لا .ضروري يا جماعه عشان لازم احجزها بسرعه

عربية ممتازة كأداء علي الطريق وجودة تقفيل وخامات الكابينة ، الماتور ١٦٣ حصان و تقبل بنزين ٩٢ ، اسعار قطع الغيار أرخص من الكيا ، مفيش مشاكل معايا بأستثناء حساس الحرارة خرف معايا وغيرته في التوكيل علي حساب الضمان .
من جميع الزوايا هي عربية تستحق المبلغ المدفوع فيها ، العيب اعتقد بتخسر في اعادة البيع دا لو بتغير قبل اربع سنين ، التوكيل مش كويس ومش وحش يعني تمشي حالك وأحسن من غيره والافضل فرع ابو رواش عن تجربة .
في النهاية بيجو ٣٠٠٨ هاتديك متعة في القيادة ، سرعة تجميع وسحب وثبات عالي ، ورأي بعد تجربة ستة شهور هي اختيار موفق وكقيمة مقابل المال المدفوع تعتبر صفقة رابحة .