الموضوع: كام كيلو متر

300 الف مثلا دة لو لقطة لكن الطبيعي هتلاقي 500 الف و اكتر

العربيات القديمه زى الفيات و اللادا اللى بتستخدم من الثمانينات عدد الكيلومتر مش مقياس لكذا سبب :

1- فيه عربيات زى 128 موديلات السبعينات حتى 1988 او 127 بتاعت السبات عداد الكيلومتر فيها 5 خانات فقط و بيصفر نفسه لما يعد 99999 كيلو (يعنى كل 100 الف كيلو بيرجع يعد من الاول) يعنى انت مش هاتعرف مشيت كام 100الف و العداد صفر نفسه و مفيش كونترول كمبيوتر تتأكد منه لانه مكانش لسه اخترعوه

2- مستحيل عربيه فيات او لادا تعدى 200 الف كيلو بدون عمل عمره ان لم يكن تغيير للموتور نفسه عبر العشرين ثلاثين سنه اللى كانت شغاله فيهم ..

3- سهوله اللعب فى عدادات العربيات القديمه من اى صبى كهربائى ..

اخيراً : الفيصل فى العربيات الفيات و اللادا و المازدا و كل الحاجات القديمه دى هو حاله العربيه من ناحيه الميكانيكا و العفشة و الكهرباء و الصاج .. اختار عربيه مفيهاش مشاكل علشان ماتفتحش بقها زى ما بيقولوا و تصرف عليها اكثر ما تستفيد منها ..

على فكرة عمر ماكانت حالة العربية مرتبطة بالكيلو متر بس و كمان دا فى عربيات حديثة اوووى فى الالفينات و مرسيدس و ملعبوب فى عدادها ، حضرتك لما تيجى تشترى ياريت تبص على حالة العربية ( الشاسيه و القوايم و ان الداخل لازم تبقى فابريكة و ان الماتور مايكونش ضعيف ) يعنى الحالة العامة تكون كويسة و نصيحة من اخ بلاش موديل اى عربية فى السبيعنات هاتمرمطك ، خليك فى التسعينات أحسنللك.