الموضوع: الزجاج الكهربائى للباب اليمين بيجو 405 روا و ال wd40

أول ما إستلمت العربية فى 2007 ركبت إنذار على السنترلوك اللى فيها
و على الزجاج الكهربائى ركبت وحدات رفع "بمجرد ضغط الريموت تغلق السيارة بالزجاج"
مشيت كويس و فجأة فى 2011 لقيت الزجاج اليمين يقف عند المنتصف
يعنى لو مش واخد بالى العربية تقعد مش مقفولة تمام
و بعد لف و رجوع للتوكيل و للكهربائية طلع الموضوع بسيط
مجرى الزجاج يحمل "أتربة . . . . ." و قذارة لازم يتم تنضيفه
حد ينضفه بالزيت و واحد تانى بتركيبة عاملها "زيت على جاز . . . . ألخ . . . "
و اخيرا إكتشفت المنظف الرائع wd40
بقى لازم يكون معايا فى العربية
قرب ما يخلص أجيب واحد جديد
بقيت كل يومين تلاتة أنضف مجرى الزجاج ب wd40
وحدة الرفع تشتغل تمام زى ما تكون السيارة فابريقة
حبيت أقول التجربة لكل أصدقاء المنتدى لما لقيت أصدقاء كتير تشتكى من الزجاج الكهربائى

شكرا جدا