الموضوع: الاقي فين السويفت الجديدة

متابع
و كنت عايز اعرف سعرها كام في التوكيل.

في التوكيل 98 الف تدفع 10 والباقي مع الاستلام والاستلام خلال 60 يوم وتقريبا فيه ناس قالت شافوها عند اباظه تسليم فوري 104

شكرا للرد وعلى اهتمامك :)

يعني التسليم الفوري باوفر برايس
مش حرام عربية جديدة و باوفر؟

المشاركة الأصلية كتبت بواسطة D . a .\ AYMAN

الحجز على فكرة بـ 5000 فقط وممكن أقل كمان بالتفاهم مع بتوع المبيعات في التوكيل

والتسليم قالي في خلال شهر ونص بحد أقصى بالنسبة لأول دفعة ... وقالي الدفعة التانية ممكن الانتظار فيها يوصل لشهرين أو أكثر

السلام عليكم يا دكتور أنا كنت فى نفس الحيرة اللى حضرتك فيها و نفسى أخد قرار
قدامى kia picanto w brilliance frv cross w suzuki swift
و مش عارف أختار ايه كل واحدة و ليها عيوبها فا حضرتك اقتنعت ازاى ب swift ؟

المشاركة الأصلية كتبت بواسطة d . A .\ ayman

البريليانس مش بحبها كدة لله في لله ... مع إني عمري ما ركبتها ولا أعرف عنها حاجة عشان أكون صادق معاك ... لأني مش بحب الصيني نهائي حاليا ... عشان كدة نخرجها برة المقارنة بتاعتي ومش هاقدر أفيدك فيها

البيكاتو أنا كنت رايح أشتريها فعلا وكنت هاستلمها فوري من الوكيل ... لأن الهاي لاين مش مطلوبة قوي وماعليهاش قائمة انتظار ... عشان ماكانش قدامي غيرها

- بس لأنهم شالوا منها حاجات كتير مهمة بالنسبة لي فضلت متردد فترة طويلة شوية

ومن الحاجات دي شالو الكاسيت بتاعها وحطوا كاسيت صيني مالوش ملة وشالوا الطارة المالتي بتاعتها بالتبعية شالو الإيرباج شالوا الإيه بي إس

شال المرايات اللى فيها إشارات وحط مرايات عادية (مافيش مشكلة قوي في النقطة دي لغاية ما خدت بالي إن العربية حتى مافيهاش غمازات للإشارات في الرفرف) وده عامل مهم من عوامل الأمان لما تحب تتخطى حد في الدوار (الصينية) بالذات وفضل الموضوع ده معكنن علية وأنا عارف إن مافيش غيرها في السوق عربية كويسة فيها اللى أنا عايزه

لغاية ما نزلت شوفت السويفت ... السويفت معروفة من سنتين إن نازلة بس الوكيل كل شوية يؤجل الوضوع بسبب أحداث الثورة بقى ولا الحالة الأمنية ولا أي حاجة في دماغه ... المهم إتأخرت جدا وماكنتش مقتنع إنه هاينزلها قريب عشان كدة ماكنتش متوقع منها حاجة

وفجأة لاقيتها معروضة في المعرض بالصدفة وأنا معدي رايح أتفرج على البيكانتو في أبو رواش نزلت سألت عليها قالي هاتنزل خلال يومين وهايكون منها هاتشباك وسيدان .. بعد يومين روحت إتفرجت على الهاتش باك لاقيت نازل فيها كل اللى أنا عايزه

عوامل أمان كويسة 2 أيرباجز وفرامل الجيل الثاني من الإيه بي إس وإي بي دي وبي إيه ... وعفشة للخدمة الشاقة وقاعدة عجلات كبيرة أكبر من البيكانتو وكاوتش عريض وجنوط 15 وطارة مالتي ونازلة بالكاسيت بتاعها الأصلي وأربع سماعات وإثنين تويتر وموتورها هادئ إلى حد كبير زي البيكانتو ... وللأسف شال منها التكييف التاتش اللى نازلة بيه برة (بس مش مشكلة قوي لأن البيكاتو برضه مافيهاش تكييف تاتش

نيجي للسعر

- البيكانتو اللى فيها فتحة سقف وفرش جلد وجنوط سبور اللى كنت ناوي عليها عاملة = 108500 جنيه مصري

- السويفت بكل اللى فيها عاملة = 99 ألف والسيدان بـ 107 ... وأنا عايز الهاتش باك أصلا مش السيدان لأني هاركبها لوحدي

يعني أرخص بـ 10 ألاف جنيه وأفضل من ناحية عوامل الأمان والكماليات

... وحتى الماركة ... لأني عرفت بصراحة يعني إيه ياباني ويعني إيه كوري والفرق بينهم من خلال الأجهزة المنزلية اللى الواحد بيشتريها في بيته .. فبالنسبة لي كمان كدة أريح نفسيا من ناحية النقطة دي

بس دي الحكاية بالتفصيل الممل :oc_sun1[1]:

شكرا لحضرتك أنا لحد دلوقتى معاك فى كل حاجة صراحة