مشكلة في استهلاك البنزين نيو صني!!!!

hh · 22-07-2014 01:37 PM

أنا معايا نيو صني 2013 أوتوماتيك عاملة 13500 كم. لاحظت ان استهلاك البنزين عالى جدا. يعني مش بتعمل أكتر من 180 لتر في الصفيحة. انا خاسة انها الاول استهلاكها كان أحسن كتير و ابتدى يزيد. و كمان صوت الموتور عالى جدا جدا و من يومين دوست بنزين للأخر لقيت ال rpm وصل 6000 شيلت رجلى من عالبنزين بسرعة.

يا ريت يا جماعة تفيدوني المشكلة ممكن تكون في ايه بالظبط؟؟

**كمزى** · 22-07-2014 01:52 PM

ممكن تضبط الاطارات نيتروجين وعلى الضغط المكتوب على قايم العربية بالظبط انا عندى فى الشكل القديم 36 - 33 انما الشكل الجديد مش عارف بس ممكن ترجعله هو مكتوب على القايم اللى جنب باب السائق وان شاء الله هحس ان العربية بقت خفيفة والار بى ام مش هيعلى واستهلاك البنزين هيقل كتير بسبب ان مش هيبقا فى تعطيل فى الموتور هذا من عن تجربتى والله اعلم ومتابع لآراء الصقور وكل عام وانتم بخير

hh · 22-07-2014 02:10 PM

المشاركة الأصلية كتبت بواسطة كمزى

ممكن تضبط الاطارات نيتروجين وعلى الضغط المكتوب على قايم العربية بالظبط انا عندى فى الشكل القديم 36 - 33 انما الشكل الجديد مش عارف بس ممكن ترجعله هو مكتوب على القايم اللى جنب باب السائق وان شاء الله هحس ان العربية بقت خفيفة والار بى ام مش هيعلى واستهلاك البنزين هيقل كتير بسبب ان مش هيبقا فى تعطيل فى الموتور هذا من عن تجربتى والله اعلم ومتابع لآراء الصقور وكل عام وانتم بخير

أول مرة أعرف ان الكاوتش ممكن يفرق في استهلاك البنزين. عموما حاجرب اظبط الهوا و أشوف.

**amrelsaqqa** · 22-07-2014 02:20 PM

الصيانة معمولة ولا لا ؟

hh · 22-07-2014 03:10 PM

المشاركة الأصلية كتبت بواسطة amrelsaqqa

الصيانة معمولة ولا لا ؟

صيانة ال 10000 معمولة بس بصراخة دي كانت اول صيانة أعملها

**amrelsaqqa** · 22-07-2014 03:16 PM

ممكن علو صوت الموتور وزيادة الاستهلاك تبقى بسبب الزيت اللى التوكيل حطه

حد يعرف العربية جاية بزيت ايه والتوكيل بيحط ايه ؟

hh · 22-07-2014 03:24 PM

المشاركة الأصلية كتبت بواسطة amrelsaqqa

ممكن علو صوت الموتور وزيادة الاستهلاك تبقى بسبب الزيت اللى التوكيل حطه

حد يعرف العربية جاية بزيت ايه والتوكيل بيحط ايه ؟

مش عارفة و الله. ممكن يكون فلتر البنزين عايز يتغير مثلا؟؟

**محمد 2014** · 23-07-2014 05:50 AM

انا بصراحه في التليين 350 كيلو وكان نفسي حد يقولي بتستهلك حوالي 145 كيلو في الصفيحه ودا استهلاك عالي جدا هل فعلا استني لغايه بعد صيانه ال 1000 وال 5000 لان انا لسه ما شغلتش حتي التكييف

**كمزى** · 28-07-2014 01:08 PM

[QUOTE=hh;3875676294]أول مرة أعرف ان الكاوتش ممكن يفرق في استهلاك البنزين. عموما حاجرب اظبط الهوا و أشوف.[/QU

اخى الكريم انا بحاول انقل لك تجربتى الشخصية ممكن تفيدك وممكن لا والقرار فى النهاية لك وبشكرك وكل عام وانت بخير