تقيم النيو صني

**medokassem** · 23-07-2014 02:29 AM

بسم الله
بعد المواضيع اللي كترت عن عيوب العربيه سواء بالايجاب من ملاكها او بالسلب من بعضهم
انا هحاول اقول اللي انا شايفه بحياديه جدا لان ولا نيسان هتديني فلوس علي اللي هقوله ولا الشركات المنافسه هتقبضني فلوس وقد اخطئ او اصيب في اللي هقوله
طيب انا هقول الكلام ده بناءا علي ايه رغم عدم امتلاكي للسياره ههحكم عليها بصفتي ايه............؟
بحكم شغلي في الحرفيين من استيراد السيارات استعمال الخارج والزباين اللي بيدخلو علينا عربيته مخبوطه عربيته في مشكله ضفيره كنترول الخ...........
وبحكم قيادتي لهذه السياره لفتره من الوقت
وبحكم مع اكتر من صديق يمتلك هذه السياره

انا حابب ابدا بالميكانيكا لهذه السياره لانها افضل شئ عجبني بها
الموتور علي الرغم من كونه 1500 الا انه نشيط جدا وممتاز والفتيس سلس ومساعد الموتور في استخراج افضل عزم وتسارع زي ما بيقولو لايقين علي بعض
ولم تحدث حتي الان مشاكل تذكر بالفتيس او الموتور

ندخل عل العفشه
العفشه حلوه في الطرق الغير ممهده متتعبش ضهرهك ومتحسش بالتكسير لكن يعيبها انها في مطبات الهوا علي الطرق السريعه او الدائري بتتنطت ممكن ناس عندهم مساعدن اتغيروا في الضمان وما الي ذلك
وعيب التيل اوصفارته لو الشركه نزلت تيل نضيف علي طنابير نضيفه هتتحل نهائيا المشكله دي لكن العربيه كتصميم عفشه كعيب مقصات كبالن الحاجات التقيله دي لايوجد بها عيب ودي نقطه مهمه
الفرامل وده عايز موضوع لوحده انا ساعات انبهر بالفرامل تعجبني جدا وساعات اقلق منها مش راسيه عل بر فمش هتكلم في الموضوع ده
الثبات للاسف ثبات السياره فوق ال110 لو ملف خفيف وفيه مطب هوا اتفرج عل تعويمه والحمد لله تفاديت موقف حصلي يعني لو انت شاب من هواه الجري انسي لكن لو راجل سواقتك كبيرها 100-130 هتأدي الغرض منها
نيجي للصاج للاسف سئ جدا ممكن يكون الصاج زيه زي عربيات كتير حديثه طب ايه اللي يخليه سئ عنهم اقولك تصميم السياره مثال بسيط خبطه في رفرف بسيطه حركت الفانوس الامامي والاكصدام وحركت الكبوت خبط في البربرير كسر القزاز الامامي !
يعني العربيه دي تمشي تحسس عليها وده عيب لان في بلدنا العربيه من جوه ملكك ومن بره ملك للشعب اللي عايز يقعد عل كبوت اللي بيركن ويريح عليك اللي يخبطلك العربيه بالموتسيكل...............
طيب نيجي للامان بتاع العربيه الايرباج ساعات فعلا بيحصله فيلينج
اعرف ناس من اقل خبطه فتح
وناس تانيه خبطه اشد مفتحش رفم الاتنين خابطين من الامام !
فهل ده سوفت وير فيه مشكله او ايه الله اعلم
الحاجه التانيه الكنترول مكانه سئ جدا جدا جدا عربيه اتخبطت قدامي الصدر رحل وكان هيفعص الكنترول لولا قربه الميه اللي اتكسرت عل كنترول وحامته من الصدر الحديد يكسره
وطبعا لو كنترول اتكسر يبقي هتلف السبع لفات وشوف ساعت متلاقيه هتلاقيه بكاااام مكانه سئ جدا

يتبع

**medokassem** · 23-07-2014 02:47 AM

السياره من الداخل مش هتكلم عن الخامات لان ممكن بالنسبالي وحشه وبالنسبالك ممتازه دي حاجه نسبيه اللي هيشتري هيشوفها ويحسها ويقدر بنفسه
الميزه للعرييه دي من الداخل الصالون وااااسع جدا ودي لا خلاف عليها ودي نقطه للعرييه
وفتحات التكيف الخلفيه فكرتها ممتازه ودي نقطه ليها والشنطه واسعه
اما التكيف جيد جدا ولا يوجد به مشاكل

نيجي للميزات من الخارج العربيه ارتفاع ممتاز عن الارض وشكل السياره ده نسبي مش هتكلم فيه ممكن اشوفه عادي ممكن حد غيري يشوفه مناسب
من الداخل واسعه بحر زي ما بيقولو ومريحه
الشنطه واسعه

نيجي للميكانيكا
ميكانيكا السياره دي ممتازه ومعلهاش حتي الان غبار موتور صيني هندي يباني ممتاز ومعلهوش كلمه
قطع الغيار الخارجبه بدات في الانتشار وسعرها جيذ كنت كاتب قبل كده الاسعار ارجو ان حد ينقلها عشان مش متذكر بالضبط
العيوب
صاج سئ - ثبات سئ - مكان الكنترول سئ - فراملها والايرباج عليهم كلام انت وحظك ........
وفي مشاكل في الكهربا بدات تظهر في العربيه بس مش هتكلم عليها لحد متاكد من اللي وصلت ليه
من الاخر دي عربيه مدينه درجه اولي وبتاعت ناس كبار مش بتوع جري هتعجبهم جدا بس من غير متتخبط عشان هيزعل لو اتخبطت
اما للشباب بتوع الجري لا انصح بها اطلاقا هتخبطها هتزعلك ومش بتاعت جري للثبات السئ
تحياتي

**Adnfalcon** · 23-07-2014 02:56 AM

كلامك سليم 100 %
لسه كنت كاتب عن موضوع الثبات والفرامل والصاج

**kokowasfy** · 23-07-2014 03:34 AM

الفرامل والايرباج حد يقدر يستغنا عنهم هل حياتنا رخيصة عارف لو العربية فيها مشكلة ميكانيكية كنت قلت ماشى لاكن الحجتين دول = حياة انسان انا عارف كلامى مش هيعجب ملاكها بس انا بتكلم بصفة عامة على كل العربيات الى بتنزل مصر و معيوبة ولا زى البطيخة