تركيب إطارات جديدة الترصيص 4 مرات و لسه فيه تعديل

**makarther** · 23-07-2014 05:15 AM

نايل موتورز - NileMotors.net
هذا لينك الموضوع االخاص بمشكلة إطارات سيارتى 405 روا موديل 2007

الحكاية إنى قررت أغير كاوتش السيارة
و لما كان الهانكوك اللى ركبته قبل كده مريح و بيخللى إستهلاك البنزين شبه طبيعى
قررت أركب كاوتش هانكوك
و من خلال المنتدى "نايل موتورز" وجدت المكان اللى أجيب منه و بالإتصال وجدت السعر معقول و إنتاج حديث
روحت ركبت الكاوتش كنت حأركب فردتين لكن عند التغيير إتضح غن فردة من الجداد
شبه متدمرة
فقررت تغيير الأربع فرد و تم الترصيص و بصراحة الناس رائعة فى التعامل "سمير بيومى"
أولاد بيومى شارع التحرير
و بعد ما مشيت لقيت العربية بتغربل بس مش على 90 عند الستين
روحت ل"أشرفكو" مدينة نصر ناس محترمة برضوا رصصوا تانى و قالولى فيه جنط عايز إستعدال و ده بتم فى فرع المطرية
تانى يوم الصبح بدرى روحت رصصوا تالت و دقوا على جنط شمال خلفى مشيت لقيت العربية زى ما هى
كلمت مهندس وائل مدير صيانة بيجو القطامية
قالى على محمد إسماعيل "المنيل" شارع يوسف الدجوى روحتله و الحجز بالمواعيد زى الدكاترة و أكتر
ميعادى كان العاشرة و النصف صباحا كنت موجود عشرة و عشرة
دخلوا السيارة كتبلى عايز جلب مقصات و أرجعله بعد الفطار على طول روحت جبتهم من "المسيرى - شارع مجلس الشعب" رجعت و قعدت حوالى أربع ساعات منتظر الناس شغالة بهمة فى توقيت كل عميل أخيرا دخلوا سيارتى فكوا جلب المقصات و ركبوا الجلب الجديدة و ظبطوا الزوايا مشيت بالعربية برضوا الغربلة مستمرة -كلمتهم- لازم أرجع للترصيص عندهم رصصت "مرة رابعة" و أخيرا إتضحت المشكلة الجنط الشمال خلفى لازم أغير وضع العجلة فى الجنط و حطلى العلامات روحت بسرعة على "أولاد بيومى" عملوا الموضوع على طول و لسه بكره اروح المنيل لترصيص الجنط الأخير
ربنا يكرم و ترجع العربية زى الأول
متأسف على التطويل لكن حبيت انقل تجربتى علها تفيد
تحياتى لأعضاء المنتدى المبجلين و المشرفين المحترمين

**Lifz_Good** · 25-07-2014 12:46 AM

متابع للإفادة

**makarther** · 25-07-2014 06:15 PM

روحت رصصت العجلة اللى فيها المشكلة و برضوا العربية زى ما هى
بأفكر أروح إستعدال الجنوط اللى فوق نفق الملك الصالح يمكن يكون هو ده الحل الأخير
لإنى كلمت سمير بيومى قالى إزاى العجلة بايظة ؟ تعالى نشوفها فكده يبقى مش قدامى غير أستخدم خبرتى الشخصية و أروح أستعدل الجنط اللى فيه المشكلة

**carrier** · 26-07-2014 01:20 AM

المشاركة الأصلية كتبت بواسطة makarther

يبقى مش قدامى غير أستخدم خبرتى الشخصية

مكنت استخدمتها من الاول .....

ضحكوا عليك وغيرت جلب المقصات اونطة وغرمت فى يومين زنقه

دا انت لو جبت جوز جنوط استيراد او فردة جنط حتى جديدة كان خلص الموضوع

معلش ... ربنا يعوض

**makarther** · 30-07-2014 04:08 PM

المشاركة الأصلية كتبت بواسطة carrier

مكنت استخدمتها من الاول .....

ضحكوا عليك وغيرت جلب المقصات اونطة وغرمت فى يومين زنقه

دا انت لو جبت جوز جنوط استيراد او فردة جنط حتى جديدة كان خلص الموضوع

معلش ... ربنا يعوض

اقري تاني علشان تفهم
الهطوات كلها كانت مطلوبه
جلب المقصات كانت ع الحديد كاوتشها متاكل
الكاوتش كلن لازم يتغير علشان عمره
فيه مشكله في جنط واحد
نقول تاني و الا وصلت

ملحوظه
نرجو القرااااااه جييييييييييدددددددا قبل الرد

ملحوظه اخري يا ريت الرد يكون مفيد مش تهكم علي غير علم
ربنا يهدي

**makarther** · 09-08-2014 12:33 AM

أخيرا بعد ترصيص الجنط الخلفى الشمال اللى كان عامل الرجة
العربية بقت أحسن بكتير
عملته فى بنزينة شل نزيه خليفة -ميدان الجامع مصر الجديدة
بعد ما رصصت الإستبن اللى كنت مركبه
ركبنا الجنط الأساسى و رصصنا الرعبية بقت مريحة فى المشى
الترصيص بالكرسى "الحصان" مش فك و تركيب على ماكينة ترصيص
الحمدلله
بكرة رايح أعيد ترصيص باقى العجل عند "عم عبد المحسن"

**ضى القمر** · 30-08-2014 05:23 PM

متابع

**makarther** · 05-09-2014 09:16 PM

بعد الترصيص فى بنزينة نزيه خليفة إتضح بخبرة "عم عبد المحسن" من يقوم بالترصيص
أن بلى العجل يحتاج تغيير
كلمت مدير صيانة التوكيل و قمت بإحضار البلى لعدم وجوده عندهم و سأذهب لتركيبه
موضوع بلى العجل طلع حكاية كبيرة فى كل السيارات
تحياتى