رايكم في رينو كليو موديل من 2000 ل 2003 ؟!!

***walaa*** · 23-07-2014 08:56 AM

السلام عليكم
انا دورت كتيييييييييير اوي في العربيات لحد ما زهقت و احترت بين حاجات كتير
بس حاليا عجباني اوي الرينو كليو موديل من 2000 ل 2003 تقريبا
هقولكوا احتياجاتي ايه من العربية و قرروا معايا ع الاساس ده
1/ تنفع ل 5 افراد
2/ عالية عن الارض
3/ تستحمل مشوار او اتنين في الاسبوع في شوارع متكسرة
4/ قطع غيار و صيانه معقوله و صاجها يستحمل لان دي اووووول عربية ليا و انا معلوماتي صفر
5/ مش عايزة كماليات كتير يعني تكييف و باور و عربية امان و خلاص
6/ طبعا انا و لا هجري و لا حاجه فكرة العربية بالنسبه لينا مش اكتر من حماية من المواصلات

فا اولا عايزة اعرف مميزات الكليوو عيوبها و مشاكلها ايه و تنفع لبنت و حد اول مرة يتعامل مع عربيات و لا ؟؟؟

ثانيا لو حد ينفع يقارنلي او يقولي رأيه ع الاقل في العربيات دي و هيكونوا مناسبين اكتر و لا الكليو ( فولكس بولو 98 .. فيات سيينا .. دايو لانوس *بس اعرف انها قريبة للارض *.. اوبل كورسا .. فيات بونتو )

و المبلغ المتاح بالكتييييير 40 الف فا يجيبوا اي نوع منهم حالتها حلوة متتعبنيش و موديل كام ؟ بالذات الكليو
و يبقي احسن لو اقل 2000 كدا عشان اصرف منهم ع العربية بما انها استعمال

بجد اسفه ع الرغي ده بس من كتر ما دورت و زهقت و حبيت اوضح الصورة كامله بالذات اني لما سالت هنا الناس نصحوني اسال في القسم بتاع كل عربية عشان يبقي في تجربة حقيقية لنوع العربية

**HOSSAM99** · 23-07-2014 10:24 AM

و عليكم السلام و رحمة الله و بركاته
أنا ما أمتلكتش الكليو لكن ركبتها شويه حلوين (هاتشباك) و لاحظت عليها الأتي
-العربيه قويه جدا في المطبات و العفشه ماسكه نفسها
-ثابته جدا علي الطريق و متحسش بالسرعه
-قطع غيارها موجوده و أسعارها زهيده
-موفره في البنزين (1200 سي سي ) أتوقع الـ 1400 تكون موفره لكن السحب يكون أحسن شويه
- بتشيل و تحمل أي عدد من الأفراد و الأوزان من غير ما تحك في أي مطب
-العربيه صاجها تقيل و بيستحمل
لكن و حضرتك بتشتريها تخلي بالك من الأتي
-يفضل العربيه تكون 1400
-يتم الكشف علي العربيه في مركز رينو معتمد (و التركيز في الكشف علي الكهربا و الموتور كويس و باقي العربيه)
-العربيه تكون بكهربتها الأصليه كاسيت الأصلي و مفيش زينون و سماعات و لعب في الكهربا خالص

أخيرا العربيه دي لما بتكون حالتها حلوه بتريح جدا و بتستحمل .. أختاري أفضل حاله و تكون ظاهريا مش محتاجه مصاريف و أكشفي عليها في مكان موثوق فيه
و المساوي للعربيه دي و نفس المميزات و ممكن تزيد كمان البيجو الـ206
بالتوفيق

**hilal** · 23-07-2014 11:03 AM

طالما أول عربية
لا أنصح بالرينو مطلقا ولا الاوبل
لانها محتاجة صنايعي فاهمها
انصحك بدايو ، أو فيات
ولكن الافضل من وجهة نظري كيا برايد

**tarek_asem** · 23-07-2014 11:23 AM

اللانوس كويسه ... واي بقال بيشتغل فيها ... كانت معايا قبل الميجان ومشكله انها واطيه بتتحل ان بيركب لها علايات عند اي عفشجي ...

**exelence** · 23-07-2014 01:10 PM

المشاركة الأصلية كتبت بواسطة hilal

طالما أول عربية
لا أنصح بالرينو مطلقا ولا الاوبل
لانها محتاجة صنايعي فاهمها
انصحك بدايو ، أو فيات
ولكن الافضل من وجهة نظري كيا برايد

حتى لو رينو قديم زى رينو رينبو ؟

**hilal** · 23-07-2014 02:46 PM

المشاركة الأصلية كتبت بواسطة exelence

حتى لو رينو قديم زى رينو رينبو ؟

من واقع خبرة طويلة مع الرينو
لا تصلح كبداية ، لأن الصنايعي المتخصص في الرينو عملة نادرة وغير متوافر إلا في أماكن معينة مثل الحرفيين أو صقر قريش
وهتتعبك جدا لو كانت أول ركوبة

**dedo_ryo** · 23-07-2014 05:48 PM

المشاركة الأصلية كتبت بواسطة hilal

من واقع خبرة طويلة مع الرينو
لا تصلح كبداية ، لأن الصنايعي المتخصص في الرينو عملة نادرة وغير متوافر إلا في أماكن معينة مثل الحرفيين أو صقر قريش
وهتتعبك جدا لو كانت أول ركوبة

اولا استاذي ميكانيكي الرينو مش عمله نادره ولا حاجه ما اكترهم بالنسبه لسكان القاهره و الاسكندريه و زي ما حضرتك شايف ان الزميله من الاسكندريه فده مش سبب يخليها تسيب العربيه و متوافر برضه تجار قطع الغيار من الاستيراد والجديد . و لو نويتي عالكليو يبقي الكشف في التوكيل و هاتي ال 1200 لانها افضل من حيث ان ليها موبينه عامه للاربع بوجيهات وليس كويل لكل بوجيه و مفيهاش عيب البوابه الشهير جدا في ال 1400 بالاضافه انها بتمشي على ريحه البنزين و هي عربيه جميله جدا و ناعمه عالطريق و قطع غيارها متوفره و رخيصه و شكلها شيك . و بالنسبه للانوس فهي عربيه جميله برضه و اسهل من حيث الصيانه لكن سعرها اغلى شويه من الكليو .

**HOSSAM99** · 23-07-2014 07:28 PM

المشاركة الأصلية كتبت بواسطة hilal

طالما أول عربية
لا أنصح بالرينو مطلقا ولا الاوبل
لانها محتاجة صنايعي فاهمها
انصحك بدايو ، أو فيات
ولكن الافضل من وجهة نظري كيا برايد

رأي حضرتط يؤخذ في الأعتبار لو العربيه حالتها ضعيفة
لكن لو عربيه تم الكشف عليها جيدا و تم عمل سيرفيس كامل و تمت المتابعه مع مركز معتمد ... كل المخاوف تتبدد

و لعلم حضرتك كل من يطلقون علي أنفسهم ميكانيكيه ماركة (كذا) و بيقولو أحنا متخصصين في (كذا) و لا بيفهمو حاجهى و منهم الجشع و منهم الانتهازي و معظمهم إلا من رحم الله منعدم الضمير
العربيه الكليو بسيطه جدا و لا تحتاج أكثر من سيرفيس كل 40 الف كم و زيت في مواعيده و مع صديق و مرتاح معاها جدا جدا

و لكن الفيصل في أي عربيه الحاله ..

***walaa*** · 25-07-2014 09:20 AM

أولا متشكرة أوي لكل اللي أهتموا و ردوا
ثانيا يعني كده بالنسبة للرينو مشكلتها بس في اني ألاقي حد بيفهم فيها كويس و بما اني من اسكندرية فا ده متوفر تمام .. طيب بالنسبة لقطع الغيار .. و ايه أحسن موديل يتجاب بالمبلغ اللي معانا و تكون حالتها حلوة تعمل كام بالتقريب .. و ايه مكان موثوق فيه ممكن اروح أكشف عليها فيه
و لو فرضا اتعرض عليا فولكس بولو 98 و رينو ايه اﻷحسن و هل البولو هتخبط في المطبات و لا ..
و سؤال تاني هو في فولكس 98 اوتوماتيك و لا كده صاحبها مغير فيها حاجات و لو مغيرها ده كده صح و لا كده العربية تبقي وحشه
معلش هتعبكوا معايا .. بس فعليا عايزه اختار نوع عشان اركز تفكيري و ادور ع حاله كويسه