العربية اتخبطت .... ارجو المساعدة

**ابو سمرة** · 24-07-2014 02:10 AM

السلام عليكم . انا عضو جديد فالمنتدي و كنت عايز نصيحتكم انا معاياعربية بيجو 301 اتخبطت امبارح من ورا والشنطة اتطبقت علي خفيف و وش الفانوس الشمال كمان اتكل علي الله . فكنت عايز اعرف لما اروح التوكيل هيعملي ايه بالظبط و ممكن الاقي الفانوس برا التوكيل ولا لأ وهل في سمكري كويس ومضمون يكون حضراتكم عرفينه اقدر اروحلوا يكون قريب مني انا ساكن في جسر السويس . وشكرا مقدما

**OmarAdel98** · 24-07-2014 03:18 AM

اعملها في التوكيل افضل لأن نسبة كبيرة من الصنايعية بهايم

**ابو سمرة** · 30-07-2014 04:57 PM

شكرا علي الرد... انا لسه جاي من توكيل غمرة وبعد كثير من المناقشات مع مهندس السمكرة قالي لازم الشنطة والفانوس يتغيروا مع ان الشنطة متطبقة علي خفيف من تحت العلامة و وش الفانوس بس اللي اتكسر مش الفانوس كله يعني ..... وبعد ما سألت عالسعر قالي 6 الاف جنية رحت سايبة وماشي وقررت اعملها عند اي سمكري برا

**Ahmed Saad** · 30-07-2014 05:26 PM

ياباشا التوكيل حراميه وعايزين اي شغل وخلاص روح لسمكري محترم يردها علي البارد طالما بتقول بسيطه وممكن تترد شفط لو في حته مستقيمه والفانوس انزل الحرفيين اسال علي ناس بتعمل وشوش او شوف بتوع البيجو ممكن تلاقي العربيه نزلت في الاستيراد

**midooo_119** · 30-07-2014 05:57 PM

اى سمكرى فالحرفيين او ورشه نايل موتورز

**ابو سمرة** · 01-08-2014 01:12 AM

متشكر اوي يا جماعة علي نصايحكوا الغالية دي .. انا ان شاء الله نازل الحرفيين الاسبوع الجاي و هشوف هقدر اعمل ايه هناك ... وعموما ربنا يبعد عنكوا مستجدين السواقة لأن العربية اتخبطت وهي مركونة تحت البيت ومتغطية ولولا الغطا متين كانت الخبطة اثرت عن كدة

**S O P H O S** · 28-08-2014 08:07 PM

خليلك برا بلاش التوكيل

**ahmdghalwash** · 31-08-2014 01:49 AM

[quote=ابو سمرة;3875687892]متشكر اوي يا جماعة علي نصايحكوا الغالية دي .. انا ان شاء الله نازل الحرفيين الاسبوع الجاي و هشوف هقدر اعمل ايه هناك ... وعموما ربنا يبعد عنكوا مستجدين السواقة لأن العربية اتخبطت وهي مركونة تحت البيت ومتغطية ولولا الغطا متين كانت الخبطة اثرت عن كدة[السلام عليكم اخي الفاضل هون عليك .يمكنك التواصل معي ومساعدتك قدر الاستطاعة
م-احمدغلوش..