الصور مش شغاله
رقم العضوية : 163050
تاريخ التسجيل : 24Jul2014
المشاركات : 3
النوع : ذكر
الاقامة : المنوفيه
السيارة: لايوجد
السيارة[2]: fiat 128 model 1987
الحالة :
السلام عليكم ورحمة الله وبركاته
مشكلة تنفيس الشكمان من عند الأفيز أو الزور مشكلة تخص ال128 مودل سبعينات وثمانينات بصفه عامه وبنسبة 99.9% الأعراض صوت المكنة بيبقى عالى والحرارة بتبقى عاليه والمكنة مخنوقة
النهاردة حل تلك المشكلة
نوع العربية المستخدمة نصر فيات 128 مودل 1987 1100cc
الحل هو تركيب فرن نوفا 128 1300cc موديل تسعينات فيما فوق أو فرن شاهين 1300cc
ده شكل الفرن القديم بتاع فيات 128 موديل 1100cc وبجوارة الفرن جوان الفرن اللى بيركب على وش السلندر وكمان القفيز والمسوره المدوره بتاع الشكمان القديم "الزور"
بيبقى نظام فاتحه مدورة بتركب فى ماسورة الشكمان بتتربط بافيز وبينهم جوان شكمان وده عيبه انه بينفس يعنى لو انت مركب جوان للشكمان اللى بيتربط فيه مش هيكمل معاك بالظبت شهر ده لو الصانيعى رابطة باحكام ولازقه بسيلكون كمان أخره شهر شهر ونصف بالكتير طيب ليه لأنه بيبقى مربوط بافيز ب 2 مسمار فى أى مطب او أى هزه للشكمان الدخان بيطلع من أضع منطقه اللى هى عند الزور من عند الأفيز اللى بيربط الشكمان فى الفرن
=====
طيب الحل أيه ياعم انت وجعت دماغنا
الحل هو فرن فيات 128 1300cc "نوفا" أو فرن شاهين 1300cc لأنه مش بيحتاج قفيز بيبقى نظام 4 مسامير وكمان ليه بيبقى فيه 2 فاتحه فبيريح المكنه أووووووووى
====
وده شكل فرن نوفا 128 1300cc
وديه صورة للفرن بتاع 128 نوفا كمان علشان تبقى الأمور واضحه أكثر
الأدوات المستخدمه:-
1- فرن 128 نوفا 1300cc او فرن شاهين 1300cc والسعر 100 جينه ويفضل تجيبه بالغطاء الصفيح اللى بيركب فوفق الفرن لانه بيتربط فيه الاكسلاتير وبيحوش السخونه "علشان متضرش انك تقص جزءمن الغطاء القديم" المكان ممكن تشتريه من عزبة شلبى حسب راحتك
2- عدد 2 جوان شكمان شاهين 5+5=10جينه اى محل قطع غيار
2- عدد 2 جوان فرن اللى بيبقى بين الفرن وبين وش السلندر 10ج اى محل قطع غيار بس خد القديم معاك علشان تجيب زييه بالظبت
3- مشترك شكمان 128 معدل 1300cc بتبقى أسمة كده مشترك 128 معدل أتنين فى واحد بيركب بدل الماسورة القديمة اللى كانت بتربط فى الشكمان القديم الثمن 100ج وبتشترية من عند محل الشكمانات اللى هتعمل عنده الشكمان
5- عدد 8 مسمار مقاس 13 و عدد 4 ورد السعر 3 ج
6- ممكن هتحتاج 2 كوتشة ترفع بيها الشكمان ب 5ج
7-الوقت المستخدم الميكانيكى ساعه والمصنعيه 20ج
8- نصف ساعه عند بتاع الشكمانات وده مصنعيته بتبقى 25 أو 30ج
ملاحظه هامه جدااااااا:: الميكانيكى بيفك الفرن القديم بيفك الكربيرتاتير معه قوله يسلك فتحتين الميه اللى غالبا بيبقوا مسدودين من الصدا ودول فايدتهم انهم بيبردوا الريداتير
-<<< لما الميكانيكى يخلص ترلكيب الفرن الجديد ويركب الكربيراتير و يخلص هتقابله مشكله صغيره خالص وهى ان الصفيحه الغطى الحديد اللى بيركب فوق الفرن واللى بيتعلق فيها الأكسلاتير مش راضيه تركب.. وديه حلها بسيط بيقصها من تحت قرب زور الفرن بس متخلهوش يقص جامدعلشان ليها فايده انها بتحوش السخونه بتاع الفرن وبالأخص للناس اللى مش مركبه ليباد في الدواسة بتاع العربيه من جوه
الصفيحه بتتقص بالشكل ده>>>
[IMG]http://www.masrmotors.com/vb/attachment.php?
attachmentid=14430&stc=1&d=1406076059[/IMG]
بعد ما تخلص إن شاء الله وتركب العربيه هتلاقى دخان من الكبوت ماتخفش ده السليكون اللى حاطه الميكانيكى بين الفرن ووش السلندر بيختفى بعدها بربع ساعه او نصف ساعه بالكتير
النتيجه كانت مذهله بكل المقاييس العربيه ملهاش صوت نهائى من قدام وكل ما ادوس بنزين اسمه رنة الشكمان من ورا واتمزج بالأضافه لان المكنه كانها أنجيكشن هدوء وسحب عالى ومغرية فى الجرى جدااااااا
فعلا تجربه رائعه وكانت تستحق أن انقلها للمنتدى المحترم بتعكم
وكل سنه وانتم طيبين ومستعد لأى استفسار
رقم العضوية : 72606
تاريخ التسجيل : 08Jun2010
المشاركات : 382
النوع : ذكر
الاقامة : Suez
السيارة: Suzuki Maruti
السيارة[2]: Daewoo Lanos
الحالة :
الصور مش شغاله
سبحان الله وبحمده .. سبحان الله العظيم
رقم العضوية : 25044
تاريخ التسجيل : 13Nov2008
المشاركات : 18
النوع : ذكر
الاقامة : egypt
السيارة: 0000
السيارة[2]: astra
دراجة بخارية: لا
الحالة :
شكرآ ااا على الموضوع مهم وتستحق التغير فى السيارة
رقم العضوية : 122978
تاريخ التسجيل : 10Apr2012
المشاركات : 415
النوع : ذكر
الاقامة : cairo
السيارة: ToYoTa 2010
السيارة[2]: Kia Sephia 2002
دراجة بخارية: نصر 29
الحالة :
الصور يا باشا
رقم العضوية : 202308
تاريخ التسجيل : 06Dec2017
المشاركات : 1
النوع : ذكر
الاقامة : القاهره
السيارة: فيات 128
السيارة[2]: 128
الحالة :
ممكن الصور يا باشا
المفضلات