مشكلة فى جولف 2

**caboo_1** · 24-07-2014 04:49 AM

السلام عليكم ...كل سنة وانتم طييبين
انا لسة منضم لمالكى الجولف 2 من يومين بس
العربية عملت معايا فصل غريب اوى ،، فولتها بنزين 80 وكانت غلطة المهم طلعت من البنزينة بحوالى 2 كيلو لقيت العربية بطلت لوحدها ومش عايزة تدور خالص المهم بفتح كونتاكت مسمعتش صوت طرمبة البنزين ولا الخرطوم بتاع البنزين المتصل بالانجكشن فيه بنزين
المهم بعد ما اتكدت انها طرمبة ،،، لانى كنت بخبط عليها مرتين كدة تشتغل والعربية تدور لمدة 10 ثوانى وبطل ،،، روحت لميكانيكى فك قلب الطرمبة وقغد ينضفة وفهلا الطرمبية اشتغلت ككهرباء بس بس العربية مادرتش خالص وقالى لازم تغير قلب الطرمبة
فمش عارف هل الطرمبة اتصلحت بس فى حاجة تانية ولا الطرمبة بايظة
ولو بايظة اجبها منين وسعرها كام
مع العلم ان العربية جولف 2 موديل 90 1600 سسي انجكشن
والموبينة شغالة
ارجو الرد والافادة ...

**Rapper** · 24-07-2014 12:50 PM

اولا نورتنا يا باشا في القسم
حصل معايا نفس الكلام ده :) بس انا كنت مغير طرمبه صيني و باظت بعدها باسبوع علي طول
و فضلت تقطع مني علي الدائري كانها بتجيب بنزين
المهم علشان مش هطول عليك الطرمبه اسلم حل ليك تجيب استراد تكون حاجه نضيفه الماني
او تكون جديده
السعر مش عارف بصراحه هتعلمها كام دلوقتي غالبآ كنت جايبها ب 120 جنيه بس القلب مش الطرمبه كامله