العربيه بتقطع جامد وهى بتجرى

**Eng. Karim** · 24-07-2014 09:06 PM

السلام عليكم ورحمه الله وبركاته اعضاء نايل موتورز الكرام انا عربيتى دايو لانوس 2 موديل 2002 ودايما لما بتحصل مشكله فيها وتحيرنى بلجاء لاعضاء نايل موتورز المحترمين والحمد لله دايما بقدر اوصل لسبب المشكله وبتنتهى اما بقى المشكله اللى فى العربيه دلوقت مش لاقى لها اى حل ولا تفسير انا لسه مغير الكرنك ومركب طقم سبيكه جديد ودى كانت اول خرطه للكرانك المهم الموتور زى الفل الحمد لله بس عندى تقطيعه جامده جدا بتظهر فى العربيه لما بكون بجرى اول لما بقرص على العربيه التقطيعه دى مش دايمه يعنى اوقات بتظهر بصفه دايمه وممكن لو بطلت العربيه ودورتها بعد شويه تتظبط غيرت كل الفلاتر بفلاتر جديده اصلى ما فيش فايده غيرت البوجيهات ngk2 شمعه وغيرت طقم سكلك البوجيهات برضه ما فيش فايده حطيت منظف دايره البنزين ف التانك وجبت منظف تانى ونضفت الانجكشن ما فيش فايده برضه بجد انا محتاااار جدا العربيه حلوه اوى ف السحب بس التقطيعه دى بتحسسنى انى راكب حنطور انا شاكك ف الموبينه او طلمبه البنزين بس لو حاجه من الاتنين دول هتبان بصفه مستمره لاكن عندى شويه العربيه تبقى تمام وشويه تقطع ياريت عباقره اللانوس يقدروا يفيدونى اسف على الاطاله ومتشكر مقدما لاى حد هيحاول يساعدنى

**kantofanto** · 24-07-2014 09:10 PM

متابع

**Adnfalcon** · 24-07-2014 10:06 PM

مشكله غريبه فعلا انا احترت زيك
بعدين ايه تشابه الأسماء دا !!

**mahmoudysf** · 24-07-2014 11:34 PM

ممكن يكون موتور طلمبة البنزين لم بيسخن بيعمل المشكلة دي.

**ايمن فهمى** · 25-07-2014 12:17 AM

" عندى تقطيعه جامده جدا بتظهر فى العربيه لما بكون بجرى اول لما بقرص على العربيه "
بص سيادتك انا حصلت معايا فى بس دة فى الهيونداى الاكسيل وكانت التقطيعه عند الضغط على دواسه البنزين وعدم تجميع غير بعد 5 ثوانى وتم اصلاحها كالتالى
1- تغيير الموبينه بموبينه جافه يبانى " الافضل "
2- تنظيف شاكوش الاسبراتير ( مهم جدا لضمان كفاءة توصيل الكهربا)
اتمنى ان اكون افدتك وتتصلح عن قريب لانه بصراحه عيب بيجنن الواحد

**amrelsaqqa** · 25-07-2014 12:30 AM

ممكن طقم الدبرباج لو تعبان يعمل الحركة دی في العربية لما يسخن مش شرط حاجة في الموتور نفسه طالما انت غيرت كل حاجة كدة ( وبرضه تتظبط بعد شوية لما الاسطوانة تبرد )
هل العيب ممكن يظهر لما تكون لسة طالع بالعربية ؟
وهل التقطيعة مع المشي بس ولا جامدة لدرجة انها بتبان في صوت الموتور لو رفعت الrpm لحد 5000 ع الواقف مثلا

**Sherif Mandoor** · 25-07-2014 12:46 AM

المشاركة الأصلية كتبت بواسطة ايمن فهمى

" عندى تقطيعه جامده جدا بتظهر فى العربيه لما بكون بجرى اول لما بقرص على العربيه "
بص سيادتك انا حصلت معايا فى بس دة فى الهيونداى الاكسيل وكانت التقطيعه عند الضغط على دواسه البنزين وعدم تجميع غير بعد 5 ثوانى وتم اصلاحها كالتالى
1- تغيير الموبينه بموبينه جافه يبانى " الافضل "
2- تنظيف شاكوش الاسبراتير ( مهم جدا لضمان كفاءة توصيل الكهربا)
اتمنى ان اكون افدتك وتتصلح عن قريب لانه بصراحه عيب بيجنن الواحد

اللانوس مافيهاش اسبراتير والموبينه الكترونى جافه

**mr_sese** · 25-07-2014 12:48 AM

المشاركة الأصلية كتبت بواسطة Adnfalcon

مشكله غريبه فعلا انا احترت زيك
بعدين ايه تشابه الأسماء دا !!

متابع

**moko_2004** · 25-07-2014 03:43 AM

باشا تجيب موبينة تجربة من اي ميكانيكي و تشوف التقطيعة هتبان و لا لاه و تطلع بيها مشوار

لو تفتفت وقطعت معاك تراجع سلوك الرشاشات 90% في سلك رشاش مخلوع من مكانة وبيلمس ويفصل لان سلوك الرشاشت ليها كلبس معدن لو اتفك الكلبس دة او راح العربية تقطع معاك و تطلع بصعوبة و بتلت منك
و تشوف الطلمبة لو كل اللى فوق تمام بطلمة اختبار من عند الميكانيكي و لو تمام تغير اللى انت محتاجة بالضبط