الموضوع: النظام الجديد المعلن للدعم التمويني في مصر (يوليو 2014)ـ

مش عارف افهم النظام دا
يعني دلوقتي الدولة هتاخد فلوسها مني ازاى !

المشاركة الأصلية كتبت بواسطة samah muhammed

هو ايه المسحوق النص اوتوماتيك ده :)

ينفع برضه نسأل السؤال ده وإحنا في منتدى سيارات :-)

أكيد قصدهم إن الغسالة على كبالن ودركسيون باور وسنتر وفتحة سقف بس الفتيس عادي سيليسبيد :-)

والله أعلم حسب ما فهمت
قصدهم إنه مسحوق للغسالة اللي بحلتين اللي بيسموها في اللغة الدارجة نص أوتوماتيك

مش متأكد

المشاركة الأصلية كتبت بواسطة kemoztanta

مش عارف افهم النظام دا
يعني دلوقتي الدولة هتاخد فلوسها مني ازاى !

كارت التموين بتاعك هينزل فيه رصيد ١٥ جنيه كل شهر للفرد الواحد
تشتري بيهم ما تريد من القائمة بالسعر الرخيص اللي على الشمال خالص في القائمة
بحد أقصى ١٥ جنيه للفرد
ما يزيد عن ذلك تشتريه بالسعر العادي اللي على اليمين في القائمة

وبتدفع خمسة جنيه رسوم خدمة على كل مرة تتعامل فيها بالكارت

المشاركة الأصلية كتبت بواسطة lolnk

نظام التموين عندى مش كده خالص كل فرد له 15 جنية وعلشان رمضان زياده 7 جنية يعنى كل فرد 22 جنية بس اى حاجة بتاخدها بيحاسبك على السعر الحر مش سكة ربع جنية ونصف جنية وكده
ولا احنا عندنا بينصبوا ولا ايه

المشاركة الأصلية كتبت بواسطة subhimust

يا حبيب قلبي دا انت متفائل قوي
00(تشتري بيهم ما تريد من القائمة بالسعر الرخيص اللي على الشمال خالص في القائمة)
لا انت بتشتري بالسعر الغالي اللي في الوسط يا باشا ده مقابل انك بتستلم سلعة نضيفة شوية
و تخصم منه قيمة الدعم اللي على اقصى الشمال ازاي اقولك
كيلو اللحمة ب 29 جنيه تمام انت بقى تدفع كام تدفع 28 جنيه و تخصم جنيه اللي هوه في اقصى الشمال ده من 15 جنيه الدعم بتاعك فهمتها او او تدفع 13 جنيه وتبقى كده خلصت ال15 جنيه بتوعك يعني من الاخر الاسعار دي ممكن تلاقي انظف منها بره الدعم او من الاخر دعم البطايق انتهى عصره

باين كلامكم هو اللي صح
الوزارة موضحتش الأمر كويس
وكل مكان شغال بمزاجه

لكني تأكدت إن السعر اللي مكتوب في القايمة على الشمال خالص ملوش علاقة بحاجة
والناس بتتحاسب بالسعر اليمين

والوزير كان طالع يقول كيلوا اللحمة ب جنيه واحد

الكلام كده فشنك

لغاية ما حد يأكدلنا

ـ*****
واحد بيقوللي وهو عنده بطاقة أربعة أفراد
يعني الدعم 4*22= 88 جنيه

جاب ثمانية أكياس سكر وسعره في القائمة = 4.25
وجاب خمسة قزايز زيت عباد وسعره في القائمة = 9.75
لو حسبناهم هيطلعوا 34+48.75=82.75 جنيه
=82.75 جنيه

وقال له كده تموينك خلص

بمعنى الكلام يبقى كيلو اللحمة المجمدة = 29 جنيه
زي بره يعني
طيب إيه الميزة ؟؟ـ

حد يفهمني التصريح اللي إتقال فيه كيلو اللحمة على بطاقة التموين سعر واحد جنيه
؟ ؟ ؟ ؟ ؟ ؟
!!!!!!!!!!

ـ