الموضوع: شكر واجب للمهندس احمد عادل واستاذ الاستقبال محمود حسن

السلام عليكم
الموضوع دة انا كتبته فى الجروب اللى على الفيس
واسف جدا مش هقدر اعيد كتابته تانى فـ هاخد الكلام copy
الموضوع اهوو

روحت توكيل بيجو مرغم (الاسكندرية ) يوم الخميس 24\7 وصلت الساعه 9 صباحا
كان عندى شوية مشاكل مكرهانى فى العربية
دخلت التوكيل المكان زى الفل خالص التكيف بايظ ومكان مش مناسب لبيجو بصراحه
دخلت الاستقبال كان موجود الاستاذ محمود حسن راجل محترم جدا وحبيته بصراحه طلعتله ليسته فيها 29 ملحوظه اخدها وقعدنا نتكلم شوية فى المشاكل اللى موجوده وقالى هبعتلك المهندس يستفسر منك عن المشاكل دى برضوا وجالى المهندس احمد عادل محترم جدا وسمع المشاكل اللى موجوده فى العربيه كلها وفهمنى سببها اية وقالى هنحلها ان شاء الله واستلم العربيه والورقه اللى فيها 29 ملاحظه وفضلت مستنى مستنى لحد الساعه 12 سألت العربيه خصلت ولا لسه الاستاذ محمود قالى لسه عشان انا جايب المشاكل كلها وجاى طبعا فـ لازم العربيه تاخد وقت وان شاء الله هقول على شوية المشاكل اللى كانت فى العربيه فى الاخر استنيت تانى لحد الساعه 1 دخلت مكان الصيانه بقى عشان الاستراحه مكنش فيها مكان اشوف فيه العربيه دخلتلهم وقعدت اتفرج بقى الاستاذ محمود جيه وقالى انت دخلت الصيانه اكتر ما انا دخلت يعنى بقيت واحد مننا
زهقتهم طبعا بس مكنتش عايز امشى الا لما كل حاجة تخلص والحمد لله حصل
وكان معايا طبعا Hàíthám Àlkhólý ولو فى حاجة ناقصه هو يقولها بقى عشان بقى عندى زهايمر من القاعده هناك فى الحر والصيام
هكتب بقى الملاحظات البسيطه اللى كانت موجوده اللى مكنتش كتبتها قبل كدة:-
1- صوت الماتور العالى شوية مكنش مضايقنى يعنى بس كان عالى
2- نتشه الغيارات ورجرجه مع الفرامل
3- تكتكه الدركسيون فى الملفات
4- مشكله السحب مع التكيف و دى كانت اكبر مصيبه عندى
5- الكشف على تيل الفرامل مع انه مكنش بيصفر ولا اى حاجة بس احتياطى
6- هباب الجنوط - ودة ملهوش حل عشان التيل لما بيتأكل بيعمل كدة
7- سألت عى تشغيل الهوايات اللى تحت الكراسى وطلع ماينفعش عشان فى حاجات ناقصه فى التركيب
8- شابوره الازجاج الامامى مع التكييف - ودى طلعت فى ال 508 برضوا المهندس احمد جربها قدامى وطلعت موجوده فعلا بس هى فيها وضعيه بتقفلها بس بيبقى فى نسبه هواء بسيطه
9- امكانيه تركيب تسجيل التاتش وحساسات الركن والزينون - كلهم ماينفعش عشان الضمان وبصراحه المهندس احمد كان ذوق جدا وكان بيفهمنى اية سبب كل حاجة
10- تركيب غطا الكنترول - وحصل واتركب الحمد لله
11- تركيب الفوجات - ومحصلش الحمد لله عشان طلعت ب 1300 جنيه
12- استهلاك البنزين العالى - والسوفت ويير هيظبطه ان شاء الله
13- تركيب وحده رفع - وحصل الحمد لله واتركبت
14- لم يحصل المكتوب فى النقطه 13 بس كلها احلام وامانى
15- تصليح الخدوش اللى موجوده بس للاسف مكنش فيه البويه تقريبا والمنهدس قالى بعد العيد ان شاء الله
16- صوت الحكه اللى بيحصل لما بكون دايس فرامل وبرفع رجلى براحه بسمع صوت قالى بسبب ان فى حاجة بتمسك التيل ولما بتفك بتعمل الحكه دى - ملهاش حل للاسف بس هى بقت خفيفه دلوقتى عن الاول
17- الشبكتين اللى قدام اتثبتهوا وبقوا حديد الحمد لله ناس بتفهم فعلا والله
وماتثبتوش كدة الا لما المهندس اللى بيفك الاكصدام عرف انى عضو فى نايل موتورز
اول ماعرف قالى هثبتهالك وفعلا فك الاكصدام واتثبتت جامد
18- كان فى رجرجه حصلت مره واحده وانا برجع للخلف
19- فى مشكله حصلت بس طويله مش هكتبها وان شاء الله تكون اتحلت
20- المشكله اللى كتبتها قبل كدة وهى صوت التكتكه وارتفاع صوت المروحه وكانتش عايزه تفصل
21- كان فى صوت صفاره لما بشغل التسجيل وراحت الحمد لله
22- صعوبه قفل الابواب وفهمنى ليه ومش مضايقانى اوى اتعودت عليها
23- كان فى زنه فى دواسه البنزين وراحت الحمد لله
24- الكلاكس طبعا عارفين اية مشكلته جوه العربيه دة
25- التراب اللى بيدخل جوه العربيه - ما اتحلش وانا نسيت اقوله عليه تانى
26- المرايا الشمال كانت عايزه تتفتح شوية - ملهاش حل
27- كنت عايز اركب وصلات السماعات الخلفيه بس طلعت ب 300 وحاجة وماركبتهاش عشان انا حالف ما ادفعش ربع جنيه
28- مشكله كتبتها قبل كدة وهى شرطه البنزين الاولى اللى راحت اول ما طلعت من البنزينه
29- الغيارات كانت بتعلق وراحت تقريبا الحمد لله
طالع مبسوط جدا من التوكيل الحمد لله
الحاجاات الزياده بقى اللى اتعملت
اتأكتفت الفوجات الاماميه عشان لو ركبتها برا ولا حاجة
الكلاكس اللى كان بيهز العربيه من جوه اتحل وصوته بقى وواطى جدا من جوه بس من براا صوته بقى اعلى تقريبا
واسألوا هيثم انا كنت ماشى عامل ازاى بعد ما طلعت .. هيبقى يحكيلكوا على الاوبترا اللى جننته
تيل الفرامل اتكشف عليه وقالى لسه بادرى اووى عليه الحمد لله
وفى الاخر العربيه اتغسلت
وسألت المهندس احمد فى اى حساب قالى لالا كله فى الضمان
ومن الاخر انا راضى جدا عن التوكيل دة وتوكيل محترم جداا جداا
واه نسيت صيانه ال 2500 اتعملت كمان
واخر حاجة بشكر جدااا
المنهدس احمد عادل
والاستاذ محموود حسن
واى استفسار انا موجود
وياارب ماكنش نسيت حاجة