الموضوع: بعض أسعار قطع غيار الصني القديمة

من كام يوم عملت حادث بعربيتي الصني موديل 2004 علي المحور
عربيتين عملوني ساندوتش بينهم بس الحمد لله جت سليمة وطلع كله شغل اكصدامات وفوانيس وصاج علي البارد وحبيت اشارك أسعار قطع الغيار اللي قابلتها في مشوار الإصلاح وخصوصا أن البوست بتاع أسعار قطع الغيار قديم قوي

اكصدام امامي تايواني 250 جنيه استيراد 900 من غير الفوجات
حوامل اكصدام امامي تايواني الجوز 90 جنيه تايواني 140 جنيه اصلي بس ممكن تتباع يمين او شمال

اكصدام خلفي تايواني 250 جنيه
جوز فوانيس امامي تايواني 500 جنيه استيراد 700 جنيه
جوز فوانيس خلفي تايواني 400 جنيه استيراد 900 جنيه
شبكة امامية بتاعت العربية الخليجي استيراد 200 جنيه
ايريال اصلي 380 جنيه تايواني 130 جنيه
طقم سيور اصلي 260 جنيه
فلتر تكييف اندونيسي 45 جنيه
فلتر هوا 45 جنيه بس مش عارف نوعه الصراحة
طقم بوجيهات 80 جنيه مكتوب عليه تويوتا بس قالولي في العالمية في الحرفيين انه شغال مع الصني
قواعد موتور امامي وخلفي 450 جنيه استيراد
قواعد فتيس وكرنك 400 جنيه استيراد
بلية شداد استيراد 125 جنيه
كل اسعار الجديد من العالمية في الحرفيين والاستيراد من واحد اسمه عبد الرحمن تحت العالمية علي طول والحاجة اللي اخدتها من عنده نظيفة الصراحة

المشاركة الأصلية كتبت بواسطة kantofanto

ياباشا الحمد لله انها جت على كدا و حمدلله على سلامتك اهم شئ انك بخير ، اما بالنسبة لاسعار قطع الغيار دا شى مهم جداً انك تنقله للاعضاء جزائك الله خيراً

الله يسلمك انا دورت في البوست بتاع قطع الغيار بعد الحادث ومكنش في تحديثات كافية عشان كده قلت دي اول حاجة اعملها بعد ما اشتري علي طول