الموضوع: صوت صفارة/ًصريخ - a113

السلام عليكم،
أنا عربيتي a113 مودل 2010، من حوالي 3 أسابيع ظهر معايا صوت صفارة/ًصريخ وبدأ يزيد في الفترة الأخيرة، الصوت بيظهر بعد ما العربية تسخن (مبيظهرش والعربية باردة أو لسه دايرة)، وبيروح اما بدوس بنزين أو أعدي سرعة 20 كم/س.

في ميكانيكي شافها وقالي بلية دينامو خشنة، وفي ميكانيكي تاني قالي بلية كاتينة خشنة، وفي واحد صاحبي كان شغال في التوكيل كلمته على التليفون ووصفتله المشكلة وقالي دي طرمبة المياة وان المشكلة دي موجودة عنده في عربيته وفي عربيت واحد صاحبة، وعادي أمشي بيها وابقى أغيرها مع صيانة الكاتينة اللي جاية.

مع العلم اني عامل صيانة الكاتينة كاملة في التوكيل والعداد كان 40 ألف، دلوقتي العداد 61 ألف (ضمان العربية خلص من سنة).

أنا محتار جدا، في حد عنده خبرة لمشكلة مشابهه؟

المشكلة دي كانت عندي وحلها بسيط جدا
بلف السايكون
بس لازم تتأكد ان هو السبب قبل التغيير
ازاي؟
دور العربية وافتح الكبوت وحاول تسحب مقاس الزيت
اذا لقيت شد جامد
وبعد ما يطلع معاك سمعت صوت شفط هوا مكانه
وصوت الصفارة اختفي
رجع المقاس مكانه بسرعه
يبقي كده فعلا بلف السليكون محتاج تغيير
وممكن طريقه تانيه
حاول تفك غطاء ملىء الزيت لو كان فكه صعب يبقي ده تأكيد بس اوعي تشيله والعربية دايره

لو اتاكدت انه فعلا بلف السايكون ممكن تلغييه لحد ما تشتري واحد جديد
لانه هيأثر بالسلب علي حساس الشكمان

ومع احترامي للاراء السابقه
بليه كاتينه او بليه دينو او طرمبه ميه
التشخيص مش دقيق لانك بتقول الصوت بيروح عند سرعه 20
البلي صوت لايختفي مع زيادة عدد لفات الموتور

ولكن الذي خدعهم في ذلك ان الصوت من عند سير الكاتينه اللي هو نفس المكان اللي فيه طلمبة الميه وشداد الكاتينة والدينامو وكباس التكييف
ولكن الصوت ناتج من شفط الهواء من خارج المحرك والمكان الوحيد الذي يسمح بدخول الهواء هو اويل سيل الكرنك الذي يصدر صوتا مثل الصفارة وليس صوت خشانه

ولو في اي حاجة مش واضحه كلمني 01008666093