اختيار صعب جين 2 ام نيسان صني الشكل القديم

**deee** · 26-07-2014 05:57 PM

السلام عليكم وحمة الله كل سنة وانتم طيبين وعيد سعيد عليكم جميعا

بإذن الله قررت اجيب عربية زيرو

واكيد انتوا شايفين اد ايه الاسعار عليت وبقت حاجة صعبة جدا واستهبال رسمي لكن هنعمل ايه

بعد الحيرة ودراسة الموقف العملي والاقتصادي توصلت لنوعين وكنت حابب اسمع رأي الناس هنا لان بصراحة ارائكم بتكون مفيدة ومثمرة جدا

الانواع هي برتون جين 2 ودي هاتكون موديل 2014 ومفيش منها 2015 والتانية نيسان صني الشكل القديم ودي ان معرش هاتكون موديل 2014 ولا 2015
وده لاني مش عاجباني الشكل الجديد خالص وسمعت عن مشاكل كتيرة جدا منها

انا محتاج عربية تعيش معايا مدة طويلة لاني مش من هواه التغيير السريع عربيتي اللي معايا دلوقتي بقالها معايا ازيد من 10 سنين
فعلى الاقل محتاج عربية تستحمل ويكون مشاكلها قليلة وتوكيلها كويس

وكنت عايز اتاكد معلومة شفتها على المواقع ان الجين 2 مفهاشabs

كنت وصلت لاختيار كيا ريو بس لقيتها مش هاعرف اشتري غير اول فئة اوتوماتيك ودي ماشاء الله منفضينها من مجاميعه وكتر خيرهم انهم حاطين الطارة
ومع ذلك سعرها 129000 وكيل فكرت في الخليجي ب123500لكن مقلق جدا من الضمان وفي مصر ماشاء الله حقك كمستهلك رايح في داهية على اساس انك واخد الحاجة ببلاش ومش دافع فيها شقاك
قولوليايه الانسب من الانواع دي

وشكرا جزيلا

**Adnfalcon** · 26-07-2014 05:59 PM

انا برتاح ل جين 2 عشان ثابته علي الطريق

**eng.m7md.ali** · 26-07-2014 06:05 PM

هيا الجين2 "طبعاً" احسن في كل حاجة وفرامل الجين2 abs+ebd والصني مفيهاش abs ولا ebd .. الاعتمادية انا شايفها احسن للصني حتى لو تقفيل مصري لان اغلب مكوناتها ياباني مش هندي زي الجديدة

بس ان جيت للحق لا دي ولا دي تستاهل السعر اللي معروضة بيه ومن رأيي تجيب عربية مستعملة كسر زيرو بالمبلغ اللي معاك .. ارشحلك جيتا 2009

**deee** · 26-07-2014 06:19 PM

اشكركم جدا على ردكم السريع الاستاذ eng f3lix حضرتك معاك حق لكن انا مستبعد المستعمل كمان الجيتا فيها مشاكل الفتيس وانا بصراحة مش عايز حاجة تتعبني

هل من مزيد من الاراء ؟؟

**bobozoro** · 26-07-2014 06:38 PM

شوف برده السوزوكي سويفت ولكن لو الاتنين دول يبقي الجين 2 وبالنسبة لي بحب البيرسونا عن الجين 2 الاتنين واحد بس بفضل البيرسونا علشان الشنطة

**eng.m7md.ali** · 26-07-2014 06:58 PM

المشاركة الأصلية كتبت بواسطة deee

اشكركم جدا على ردكم السريع الاستاذ eng f3lix حضرتك معاك حق لكن انا مستبعد المستعمل كمان الجيتا فيها مشاكل الفتيس وانا بصراحة مش عايز حاجة تتعبني

هل من مزيد من الاراء ؟؟

تحت امرك

اعتقد مشاكل الفتيس من بداية 2010

**D.Ahmed Ismail** · 26-07-2014 08:52 PM

اعتقد جين 2 عشان
اثبت و اوسع و اميز و abs , dab

**pioneerahmed** · 26-07-2014 09:07 PM

لو جديد صني شكل قديم خد بالك ان اخر انتاجها هيكون الشهر الجاي
اما لو مستعمل شوف سيفيك 2008
انا لسة شاري واحدة كسر زيرو ماشية 21000 كم و فابريكة
بصراحة عربية حلوة جدا

**Omar Mahmoud** · 27-07-2014 04:16 AM

هي الصني القديمة لسة بتنزل؟؟؟
عموما جين 2 و بالمناسبة فيها abs,ebd,2airbags و ثباتها احسن
لكن في بعض الحاجات هتفقدها في البروتون زي إعادة البيع و لكنه في تحسن و العربية إنتشرت و توافر قطع الغيار اكتر للصني لكن ده لا يمنع إن قطع غيار بروتون منتشرة بردو جديد و استيراد.
بالتوفيق.