الموضوع: أرجو المساعدة .. تجديد الرخصة بعد رخصة التسيير لمدة 3 شهور؟

السلام عليكم ورحمة الله وبركاته .. عيد سعيد عليكم جميعًا

عندي استفسار وأرجو المساعدة لو سمحتم

أنا كنت نقلت ملكية العربية من 3 شهور وطبعًا بعد ما ضيعت عمر وصحة وفلوس في حوارات الفحص ونقل الملكية لحد ما كرهت العربية .. المهم استملت رخصة ونمر جديدة بعد ما سلمت النمر القديمة والرخصة القديمة في المرور الأولاني .. دلوقتي رخصة التسيير دي تنتهي كمان 3 أيام علشان المفروض أستلم رخصة جديدة بـ 3 سنين بقى

ممكن حد يقولي تجربته في الموضوع ده أو إيه اللي هيتم في المرور؟

شكرًا جزيلاً مُقدمًا

بص ياباشا ... غالبا مش هتلاقى الملف وصل و هتاخد 3 شهور كمان ... فعلشان تخلص هتجيب حاجه اسمها نموذج استعجال و تخلى الموظف يملاه و تورح على المرور القديم و تديه للموظف هناك و تحليه يصدر الملف و يديك رقم الصادر علشان تضمن ان الملف اتبعت.......
بس السؤال هنا : المفروض دا شغل ادرارت مرور مع بعضها احنا مالنا ليه نقعد نروح كل 3 شهور ؟؟؟ عملنا اللى علينا و جبنالهم كل الاوراق المطلوبة علشان نرخص و ننقل ملكيه مالنا بقى و مال الملفات و البوسطه و الجو دا ؟؟؟؟