شئ يدعو للقلق فيات اونو 1984

**bahaaeldeen** · 28-07-2014 12:09 AM

كل سنة وانتم طيبين
انا محتاج خبرتكم انا دلوقتى طالب وبروح كلية عملية وبتبهدل فى المواصلات وساعات بسافر الشغل فى الاجازة
ف قولت اجيب عربية فى حدود 15 الف
ف انا بصراحة شايف الاونو انسبهم من حيث السعر والتكييف والتحمل وخصوصا انها على سوسات مش كبالن ومش هتبهدل دة غير قطع غيارها حلوة جدااااااا ودة كان رأى ناس كتير
بس اللى مخوفنى ازاى اكشف على العربية دى وايه عيوبها لانى سمعت ناس بتقول ان الاونو فى التمانينات مش حلوة ومش بتسافر
دة غير ان فيه ناس قالولى مش تنفع لعدد كبير مع العلم اننا 5 افراد وهحتاج اسافر بيها من وقت للتانى يعنى مرة او مرتين ف السنة مثلا بس اغلب الاستخدام فى الكلية ليا انا وبس وهحتاج مشاوير مثلا مرتين او تلات مرات ف الشهر الف بيها القاهرة
وكمان كنت محتاج عربية تنفعنى فى الكلية ومشاوريها الزحمة
ف ياريت ارجو منكم النصيحة ايه عيوب الفيات الاونو ومخاطرها عشان اتجنبها واعرف نقط الصعف ايه عشان لما اشتريها
خصوصا ان سعرها مغرى جدا ودة اللى قالقنى مع انها استعمال حريمى ومعمولها عمرة من سنة بس وتكييف محتاج شحن
ولما جيت شوفت ملاقتش اصلا موديل التمانينات موجود وكله ع الاقل 1992
معلش انا مش بفهم فى العربيات اوى وخايف اتخم واضيع فلوسى ع الارض لان كل الناس بتقولى اوعى تستعجل

واشكركم جداااااااااااا واسف على الازعاج
جزاكم الله كل خير :)

**Abo_Mazen** · 28-07-2014 03:39 PM

وخصوصا انها على سوسات مش كبالن

ممكن توضيح لمعنى كلمة سوست مش كبالن ..لإن أنا بصراحه أول مره أعرف إن في علاقة ما بين السوست والكبالن ..إلا إذا حضرتك كنت تقصد دفع خلفي مش جر أمامي ..أو على كورونا مش كبالن

**bahaaeldeen** · 29-07-2014 04:40 AM

المشاركة الأصلية كتبت بواسطة m_m_sh_a

وخصوصا انها على سوسات مش كبالن

ممكن توضيح لمعنى كلمة سوست مش كبالن ..لإن أنا بصراحه أول مره أعرف إن في علاقة ما بين السوست والكبالن ..إلا إذا حضرتك كنت تقصد دفع خلفي مش جر أمامي ..أو على كورونا مش كبالن

يابشمهندس اسف لانى مش بفهم اوى ف المواضيع دى بس هى زى مافى الصورة كدة بالظبط

لينك الصورة اكتر وضوح
View image: 52542452

بس بالله عليكو قولولى العربية دى كويسة ولا لا عشان متبهدلش لانى والله تعبان بالفلوس اوى وهيجرالى حاجة لو اتخدعت فى عربية مليانة مشاكل

**Sameh samy** · 29-07-2014 05:24 AM

اولا الاونو عربية جميلة وقطع غيارها موش غالية
ثانيا الاونو علي كبالن وكل العربيات علي سوست ومعظم العربيات حاليا علي كبالن ودة موش عيب
ثالثا لما تلاقي عربية ب 15000 جنية هاتها من غير ماتكشف عليها اصلا مهما كانت حالتها لان الفلوس دي ماتجيبش غير 128 وكمان موش 128 نمرة واحد
يبقي من الاخر كل برغوت علي قد دمة والسعر تحفة وموش هاتخسر لو حبيت تبيع
الاونو بتسافر عادي طول مادورة التبريد سليمة

**bahaaeldeen** · 29-07-2014 04:36 PM

المشاركة الأصلية كتبت بواسطة sameh samy

اولا الاونو عربية جميلة وقطع غيارها موش غالية
ثانيا الاونو علي كبالن وكل العربيات علي سوست ومعظم العربيات حاليا علي كبالن ودة موش عيب
ثالثا لما تلاقي عربية ب 15000 جنية هاتها من غير ماتكشف عليها اصلا مهما كانت حالتها لان الفلوس دي ماتجيبش غير 128 وكمان موش 128 نمرة واحد
يبقي من الاخر كل برغوت علي قد دمة والسعر تحفة وموش هاتخسر لو حبيت تبيع
الاونو بتسافر عادي طول مادورة التبريد سليمة

ربنا يخليك يا بشمهندس طمنتنى والله
انا باذن الله هقابلهم بعد العيد بس الميزة كمان انها استعمال سيدة
ادعيلى بالتوفيق ربنا يكرمك :d
شكرا جدااااااااااااااااااااااا ا