أخواني الاعضاء
السلام عليكم ورحمة الله وبركاتة
كل عام وأنتم بخير بمناسبة عيد الفطر المبارك
أنا أملك سيارة دايو لانوس موديل 2009 كاملة وعندي شوية مشاكل أحب استفيد من خبرتكم في كيفية حل هذه المشاكل
1- المشكلة الاولي :-
فيه صوت تكتكة في منقطة الهيد بتاع الماتور من فوق والتكتكة دي مزعجة جداً
رحت لميكانيكي وقالي دي حاجة اسمها كستوبونات لازم تتغير ورحت لميكانيكي تاني قالي عمود الكامة عاوز يتغير وده هيبقي سعرة 800 جنيه وانا مش عارف السبب من الكستبونات أو عمود الكامة
الأول لازم تعرف أن الكستبونات دى بتشتغل على الزييت مش زى التاكيهات القديمه
فلازم قبل أى شىء تضع فلاش على الزييت القدييم وبعدييها تنزل الزييت القدييم وتحط الجدييد وتجرب
لو مراحتش تغيير سسوست الكوستبانات وأعى تخلى الميكانييكى يفك وش السلندر كل ده من على وش التاكهاات فقط
2- المشكلة التانية :عربية بتبطل في السلانسية يعني لو العربية ركنت مثلا في الجراج لمدة يوم وجيت ادورها الصبح وهي باردة تدور ولكن بعد شوية صوت الموتور يوطي وبعدين تبطل ممكن تعمل معايا كده كذا مرة لغاية لما تدور وامشي بيها ومتعملهاش تاني وتقريبا الموضوع ده بيحصل لما تكون العربية باردة وبعدين اشغلها لكن بعد تدور وتمشي العملية بتبقي كويسة بس لما بقف في اشارة ساعات بتبطل
شييك على رشاشات البنزيين والفلتر
3- المشكلة الثالثة :-
بلاحظ ان صوت العادم اللي خارج من العربية مش ماشي علي نغمة واحدة من الخلف
يعني ممكن ينتش شوية ويرجع يتعدل تاني وده بيبقي وانا واقف بردو علي السلانسية بس
برضوا شيك على الرشاشات والفلتر
4- المشكلة الرابعة :-
لما بشغل التكييف وبردو العربية واقفة علي السلانسية بسمع صوت تنتيش ظاهر جوه الكابينة لكن لما بمشي مش بسمع التنتيش ده ولما بقف تاني والتكييف شغال بسمع التنتيش ده
أفيدونا بالله عليكم سبب هذه المشاكل مع العلم ان رحت لكهربائي للعربية ونضف حساس مش عارف اسمة ايه راكب علي اسطوانة حديدة كده في وش الماتور باسبراي اسمة w40 وبردو المشكلة ما اتحلتش وغيرت طقم بوجيهات كامل تويوتا الاصلي تخين وبردو المشكلة ما اتحلتش
صوت التنتيش ده هو صوت الكلانش بتاع التكييف لما بيلقط وده طبييعى جدا
المفضلات